مجمع الزوائد ومنبع الفوائد

سیدنا عبداللہ بن مسعود رضی اللہ عنہ فرماتے ہیں : جب کوئی شخص جنابت کی حالت میں غسل کرنے لگے ، تو اسے خطمی استعمال کرنی چاہیے پھر اس کے بعد غسل کرنا چاہیئے ، اگر وہ چاہے ، تو اپنے سر کو صرف پانی کے ذریعے دھو سکتا ہے ۔
یہ روایت امام طبرانی نے معجم کبیر میں نقل کی ہے ، اور اس کی سند حسن ہے ۔

سیدنا عبداللہ بن مسعود رضی اللہ عنہ کے بارے میں یہ بات منقول ہے : غسل جنابت میں ، وہ اپنے سر کو خطمی کے ذریعے دھوتے تھے ، وہ دھو لیتے تھے اور سر کو ( پانی کے ذریعے ) نہیں دھوتے تھے ۔
یہ روایت امام طبرانی نے معجم کبیر میں نقل کی ہے ، اور اس کی سند میں ایک راوی حجاج بن ارطاۃ ہے ۔

سیدنا عبداللہ بن مسعود رضی اللہ عنہ فرماتے ہیں : اگر کوئی شخص غسل جنابت میں اپنے سر کو خطمی کے ذریعے دھوتا ہے ، اور اچھی طرح دھو لیتا ہے ، اُسے کوئی نقصان نہیں ہو گا ، اگر وہ اس پر پانی نہیں بہاتا ۔
یہ روایت امام طبرانی نے معجم کبیر میں نقل کی ہے ، اور اس کی سند میں کوئی ایسا راوی نہیں ہے ، جسے ” ضعیف“ قرار دیا گیا ہو ۔