مجمع الزوائد ومنبع الفوائد

سیدنا ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا ہے : ” جو شخص حکمت کی کوئی بات سنے اور پھر اس نے جو سنا تھا ، اُس میں سے ( صرف ) بری چیز بیان کرے ، اُس کی مثال ایسے شخص کی مانند ہے ، جو کسی چرواہے کے پاس آ کر یہ کہتا ہے : اے چرواہے ! اپنی بکریوں میں سے ایک بکری مجھے دے دو ! تو چرواہا یہ کہے : تم جاؤ ! اور اُن میں سے سب سے بہتر بکری کا کان پکڑ لو ، تو وہ شخص جائے اور بکریوں کے ( رکھوالے ) کتے کا کان پکڑ لے “ ۔
یہ روایت امام ابویعلیٰ نے نقل کی ہے ، اس کی سند میں ایک راوی علی بن زید ہے اور وہ ضعیف ہے ، اس سے استدلال کرنے کے بارے میں اختلاف کیا گیا ہے ۔