مجمع الزوائد ومنبع الفوائد

وَعَنْ عَبْدِ الرَّحْمَنِ بْنِ غَنْمٍ ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - أَنَّهُ قَالَ : " مَنْ قَالَ قَبْلَ أَنْ يَنْصَرِفَ وَيَثْنِيَ رِجْلَهُ مِنْ صَلَاةِ الْمَغْرِبِ وَالصُّبْحِ : لَا إِلَهَ إِلَّا اللَّهُ وَحْدَهُ لَا شَرِيكَ لَهُ ، لَهُ الْمُلْكُ وَلَهُ الْحَمْدُ ، [ بِيَدِهِ الْخَيْرُ ] يُحْيِي وَيُمِيتُ ، وَهُوَ عَلَى كُلِّ شَيْءٍ قَدِيرٌ ، عَشْرَ مَرَّاتٍ ; كُتِبَ لَهُ بِكُلِّ وَاحِدَةٍ عَشْرُ حَسَنَاتٍ ، وَمُحِيَ عَنْهُ عَشْرُ سَيِّئَاتٍ ، وَرُفِعَ لَهُ عَشْرُ دَرَجَاتٍ ، وَكَانَتْ حِرْزًا مِنْ كُلِّ مَكْرُوهٍ ، وَحِرْزًا مِنَ الشَّيْطَانِ الرَّجِيمِ ، وَلَمْ يَحِلَّ لِذَنْبٍ أَنْ يُدْرِكَهُ إِلَّا الشِّرْكَ ، وَكَانَ مِنْ أَفْضَلِ النَّاسِ عَمَلًا ، إِلَّا رَجُلًا يَفْضُلُهُ بِقَوْلٍ أَفْضَلَ مِمَّا قَالَ " . ¤ رَوَاهُ أَحْمَدُ ، وَرِجَالُهُ رِجَالُ الصَّحِيحِ غَيْرَ شَهْرِ بْنِ حَوْشَبٍ ، وَحَدِيثُهُ حَسَنٌ . ¤

سیدنا عبدالرحمن بن غنم رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” جو شخص مغرب اور صبح کی نماز کے بعد اُٹھنے سے پہلے اور ٹانگ موڑنے سے پہلے یہ کلمات دس مرتبہ پڑھے : «لَا إِلَهَ إِلَّا اللَّهُ وَحْدَهُ لَا شَرِيكَ لَهُ ، لَهُ الْمُلْكُ وَلَهُ الْحَمْدُ ، بِيَدِهِ الْخَيْرُ يُحْيِي وَيُمِيتُ ، وَهُوَ عَلَى كُلِّ شَيْءٍ قَدِيرٌ»
” اللہ تعالیٰ کے علاوہ اور کوئی معبود نہیں ہے ، صرف وہی ایک معبود ہے ، اس کا کوئی شریک نہیں ہے ، بادشاہی اسی کے لئے مخصوص ہے اور حمد اسی کے لیے مخصوص ہے ، ہر قسم کی بھلائی اسی کے دست قدرت میں ہے ، وہ زندگی دیتا ہے اور وہ موت دیتا ہے اور وہ ہر شے پر قدرت رکھتا ہے ۔ “
( نبی اکرم صلی اللہ علیہ وسلم فرماتے ہیں : ) تو ان میں سے ہر ایک کے عوض میں ، اس شخص کے لئے دس نیکیاں نوٹ کی جاتی ہیں اور اس شخص کے دس گناہ مٹا دیئے جاتے ہیں ، اور اس کے دس درجات بلند کر دیے جاتے ہیں اور یہ کلمات اس کے لیے ہر ناپسندیدہ چیز سے بچاؤ کا ذریعہ اور مردود شیطان سے بچاؤ کا ذریعہ بن جاتے ہیں ، اور شرک کے علاوہ کسی گناہ کے لیے یہ حلال نہیں ہے کہ وہ اس شخص تک پہنچ جائے ، اور ایسا شخص عمل کے اعتبار سے لوگوں میں سب سے زیادہ فضیلت والا ہوتا ہے ، البتہ اس شخص کا معاملہ مختلف ہو گا ، جس نے اس کے پڑھے ہوئے کلمات سے زیادہ تعداد میں ان کلمات کو پڑھا ہو ۔ “
یہ روایت امام أحمد نے نقل کی ہے اور اس کے رجال ” صحیح “ کے رجال ہیں ، صرف شہر بن حوشب کا معاملہ مختلف ہے ، اور اس کی نقل کردہ حدیث حسن ہے ۔