مجمع الزوائد ومنبع الفوائد
كتاب الأذكار— اذکار کے بارے میں روایات
بَابٌ فِيمَنْ هَلَّلَ مِائَةً أَوْ أَكْثَرَ . باب: جو شخص 100 مرتبہ ، یا اس سے زیادہ مرتبہ ’’ لا الہ الا اللہ “ پڑھے
حدیث نمبر: 16830
وَعَنْ أَبِي الدَّرْدَاءِ ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ : " لَيْسَ مِنْ عَبْدٍ يَقُولُ : لَا إِلَهَ إِلَّا اللَّهُ مِائَةَ مَرَّةٍ ، إِلَّا بَعَثَهُ اللَّهُ يَوْمَ الْقِيَامَةِ ، وَوَجْهُهُ كَالْقَمَرِ لَيْلَةَ الْبَدْرِ ، وَلَمْ يَرْفَعْ لِأَحَدٍ يَوْمَئِذٍ عَمَلًا أَفْضَلَ مِنْ عَمِلِهِ ، إِلَّا مَنْ قَالَ مِثْلَ قَوْلِهِ أَوْ زَادَ " . ¤ رَوَاهُ الطَّبَرَانِيُّ ، وَفِيهِ عَبْدُ الْوَهَّابِ بْنُ الضَّحَّاكِ ، وَهُوَ مَتْرُوكٌ . ¤محمد محی الدین
سیدنا ابودرداء رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” جو بھی بندہ 100 مرتبہ «لا اله الا الله» پڑھ لیتا ہے تو جب قیامت کے دن اللہ تعالیٰ اسے زندہ کرے گا ، تو اس شخص کا چہرہ چودہویں رات کے چاند کی مانند ہو گا ، اور اس دن میں کسی بھی شخص کا کوئی ایسا عمل اوپر نہیں لے جایا جاتا ، جس کا عمل اس شخص کے عمل سے فضیلت رکھتا ہو ، البتہ اس شخص کا معاملہ مختلف ہو گا ، جس نے اس شخص کی مانند اس کلمے کو پڑھا ہو ، یا اس سے زیادہ مرتبہ پڑھا ہو ۔ “
یہ روایت امام طبرانی نے نقل کی ہے ، اس کی سند میں ایک راوی عبدالوہاب بن ضحاک ہے ، اور وہ متروک ہے ۔
