مجمع الزوائد ومنبع الفوائد

وَعَنْ عَبْدِ اللَّهِ بْنِ عَمْرٍ[ وَ ] أَنَّهُ سَمِعَ النَّبِيَّ - صَلَّى اللَّهُ عَلَيْهِ وَسَلَّمَ - يَقُولُ : " أَلَا أُخْبِرُكُمْ بِأَحَبِّكُمْ إِلَيَّ وَأَقْرَبِكُمْ مِنِّي مَجْلِسًا يَوْمَ الْقِيَامَةِ ؟ " . فَأَعَادَهَا ثَلَاثًا أَوْ مَرَّتَيْنِ . قَالُوا : نَعَمْ يَا رَسُولَ اللَّهِ . قَالَ : " أَحْسَنُكُمْ خُلُقًا " . ¤ قُلْتُ : لَهُ فِي الصَّحِيحِ : " إِنَّ مِنْ أَحَبِّكُمْ إِلَيَّ أَحْسَنُكُمْ خُلُقًا " . فَقَطْ . ¤ رَوَاهُ أَحْمَدُ بِإِسْنَادٍ جَيِّدٌ . ¤

سیدنا عبداللہ بن عمرو رضی اللہ عنہ بیان کرتے ہیں : انہوں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے : ” کیا میں تمہیں ان لوگوں کے بارے میں نہ بتاؤں جو قیامت کے دن میرے نزدیک سب سے زیادہ محبوب ہوں گے ، اور تم میں سے بیٹھنے کے اعتبار سے میرے سب سے زیادہ قریب ہوں گے ؟ یہ بات نبی اکرم صلی اللہ علیہ وسلم نے تین یا شاید دو مرتبہ دہرائی ، لوگوں نے عرض کی : جی ہاں یا رسول اللہ ! نبی اکرم صلی اللہ علیہ وسلم نے فرمایا : جن کے اخلاق زیادہ اچھے ہوں گے ۔ “ ( علامہ ہیثمی فرماتے ہیں : ) میں یہ کہتا ہوں ان صحابی کے حوالے سے ” صحیح “ میں صرف یہ الفاظ منقول ہیں : ” میرے نزدیک تم میں سب سے زیادہ محبوب وہ ہوں گے ، جن کے اخلاق زیادہ اچھے ہوں گے ۔ “
یہ روایت امام أحمد نے عمدہ سند کے ساتھ نقل کی ہے ۔