مجمع الزوائد ومنبع الفوائد

وَعَنْ أَبِي ذَرٍّ قَالَ : كُنَّا مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فِي سَفَرٍ فَأَتَاهُ رَجُلٌ ، فَقَالَ : إِنَّ الْآخَرَ زَنَى فَأَعْرَضَ عَنْهُ ثُمَّ ثَلَّثَ ثُمَّ رَبَّعَ ، فَنَزَلَ النَّبِيُّ صَلَى اللَّهُ عَلَيْهِ وَسَلَّمَ وَقَالَ مَرَّةً فَأَقَرَّ عِنْدَهُ بِالزِّنَا ، فَرَدَّدَهُ أَرْبَعًا ، ثُمَّ نَزَلَ فَأَمَرَنَا فَحَفَرْنَا لَهُ حَفِيرَةً لَيْسَتْ بِالطَّوِيلَةِ فَرُجِمَ . ¤ فَارْتَحَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - كَئِيبًا حَزِينًا ، فَسِرْنَا حَتَّى نَزَلْنَا مَنْزِلًا ، فَسُرِّيَ عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ لِي : " يَا أَبَا ذَرٍّ ، أَلَمْ تَرَ إِلَى صَاحِبِكُمْ ، قَدْ غُفِرَ لَهُ وَأُدْخِلَ الْجَنَّةَ " . رَوَاهُ أَحْمَدُ وَالْبَزَّارُ ، وَفِيهِ الْحَجَّاجُ بْنُ أَرْطَاةَ وَهُوَ مُدَلِّسٌ . ¤

سیدنا ابوذر غفاری رضی اللہ عنہ بیان کرتے ہیں ہم نبی اکرم صلی اللہ علیہ وسلم کے ساتھ سفر کر رہے تھے ایک شخص آپ کے پاس آیا اور بولا: اس بدنصیب نے زنا کا ارتکاب کیا ہے نبی اکرم صلی اللہ علیہ وسلم نے اس سے منہ پھیر لیا پھر اس نے تیسری مرتبہ بھی ایسا کیا چوتھی مرتبہ بھی ایسا کیا تو نبی اکرم صلی اللہ علیہ وسلم سواری سے نیچے اترے ایک مرتبہ راوی نے یہ الفاظ نقل کیے ہیں اس نے نبی اکرم صلی اللہ علیہ وسلم کے سامنے زنا کا اعتراف کیا تو نبی اکرم صلی اللہ علیہ وسلم نے چار مرتبہ اسے واپس کیا پھر آپ سواری سے نیچے اترے آپ نے ہمیں حکم دیا ہم نے اس کے لئے گڑھا کھودا جو زیادہ لمبا نہیں تھا پھر اسے سنگسار کر دیا گیا پھر نبی اکرم صلی اللہ علیہ وسلم روانہ ہوئے تو آپ پریشان اور غمگین تھے ہم چلتے رہے یہاں تک کہ ہم نے ایک جگہ پر پڑاؤ کیا نبی اکرم صلی اللہ علیہ وسلم کی وہ کیفیت ختم ہوئی تو آپ نے مجھ سے فرمایا اے ابوذر کیا تم نے اس شخص کی طرف نہیں دیکھا کہ اس کی مغفرت ہو گئی اور اسے جنت میں داخل کر دیا گیا ۔
یہ روایت امام أحمد اور امام بزار نے نقل کی ہے اس کی سند میں ایک راوی حجاج بن ارطاۃ ہے اور وہ مدلس ہے ۔