مجمع الزوائد ومنبع الفوائد

وَعَنِ الْمِسْوَرِ بْنِ مَخْرَمَةَ قَالَ : قُلْتُ لِعَبْدِ الرَّحْمَنِ بْنِ عَوْفٍ : أَيْ خَالِ ، أَخْبِرْنِي عَنْ قِصَّتِكُمْ يَوْمَ بَدْرٍ ؟ قَالَ : اقْرَأْ بَعْدَ الْعِشْرِينَ وَمِائَةٍ مِنْ آلِ عِمْرَانَ تَجِدُ قِصَّتَنَا : ( وَإِذْ غَدَوْتَ مِنْ أَهْلِكَ تُبَوِّئُ الْمُؤْمِنِينَ مَقَاعِدَ لِلْقِتَالِ ) إِلَى قَوْلِهِ : ( إِذْ هَمَّتْ طَائِفَتَانِ مِنْكُمْ أَنْ تَفْشَلَا ) ، قَالَ : هُمُ الَّذِينَ طَلَبُوا الْأَمَانَ مِنَ الْمُشْرِكِينَ ، إِلَى قَوْلِهِ : ( وَلَقَدْ كُنْتُمْ تَمَنَّوْنَ الْمَوْتَ مِنْ قَبْلِ أَنْ تَلْقَوْهُ فَقَدْ رَأَيْتُمُوهُ وَأَنْتُمْ تَنْظُرُونَ ) قَالَ : فَهُوَ يَتَمَنَّى لِقَاءَ الْمُؤْمِنِينَ ، إِلَى قَوْلِهِ : ( إِذْ تَحُسُّونَهُمْ بِإِذْنِهِ ) . ¤ رَوَاهُ أَبُو يَعْلَى ، وَفِيهِ يَحْيَى بْنُ عَبْدِ الْحَمِيدِ الْحِمَّانِيُّ وَهُوَ ضَعِيفٌ . ¤

سیدنا مسور بن مخرمہ رضی اللہ عنہ بیان کرتے ہیں : میں نے سیدنا عبدالرحمن بن عوف رضی اللہ عنہ سے کہا: اے ماموں جان ! آپ غزوہ بدر کے موقعہ پر اپنی صورتحال کے بارے میں بتائیں ، انہوں نے فرمایا : تم سورہ آل عمران کی ایک سو بیس کے بعد والی آیات پڑھ لو تمہیں ہماری صورتحال کا ذکر مل جائے گا ( ارشاد باری تعالیٰ ہے : ) ” اور جب تم صبح کے وقت اپنے گھر سے نکلے تاکہ تم اہل ایمان کو جنگ کے لیے ان کے مخصوص مقام پر تعینات کرو “ یہ آیت یہاں تک ہے : ” جب تم میں سے دو گروہوں نے یہ ارادہ کیا کہ وہ بزدلی کا مظاہرہ کریں ۔ ۔ ۔ ۔ ۔ ۔ ۔ ۔ ۔ ۔ “ ( سیدنا عبدالرحمن بن عوف رضی اللہ عنہ نے بتایا : ) ( ان لوگوں نے مشرکین سے امان مانگی تھی ، ( ارشاد باری تعالیٰ ہے : ) ” حالانکہ اس ( دشمن ) کا سامنا کرنے سے ، پہلے تم موت ( یعنی شہادت ) کی آرزو کیا کرتے تھے ، تو تم نے اس کو ( یعنی موت یا شہادت کے سبب جنگ کو ) دیکھ لیا ، اور تم ( جنگ کی صورتحال کو ) دیکھ رہے تھے “ ۔ تو وہ ( دشمن ) اہل ایمان کا سامنا کرنے کی آرزو رکھتا تھا ، یہ آیت یہاں تک ہے : ( ارشاد باری تعالیٰ ہے : ) ” جب تم اس ( یعنی پروردگار ) کے اذن کے تحت ان ( یعنی کفار ) کو قتل کر رہے تھے “ ۔
یہ روایت امام ابویعلیٰ نے نقل کی ہے ، اس کی سند میں ایک راوی یحیی بن عبدالحمید حمانی ہے ، اور وہ ضعیف ہے ۔