إتحاف الخيرة المهرة بزوائد المسانيد العشرة
كتاب الصوم— روزے کا بیان۔
باب في الهلال يغيب قبل الشفق أو بعده والشهر يكون تسعة وعشرين باب: چاند کا شفق سے پہلے یا بعد غروب ہونا، اور مہینہ انتیس دن کا ہونا۔
حدیث نمبر: 2173
وَعَنْ (سَعِيدِ بْنِ الْعَاصِ) قَالَ: "ذُكِرَ عِنْدَ عَائِشَةَ - رَضِيَ اللَّهُ عَنْهَا - صَوْمُ شَهْرِ رَمَضَانَ تِسْعٍ وَعِشْرِينَ، فَتُعُجِّبَ مِنْ ذَلِكَ، فَقَالَتْ عَائِشَةُ: وَمَا تَعَجُّبُكُمْ مِنْ ذَلِكَ؟ لَمَا صُمْتُ مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ تِسْعًا، وَعِشْرِينَ أَكْثَرُ مِمَّا صُمْتُ ثَلَاثِينَ". رَوَاهُ أَبُو دَاوُدَ الطَّيَالِسِيُّ وَأَحْمَدُ بْنُ حَنْبَلٍ بِسَنَدٍ صَحِيحٍ عَلَى شَرْطِ مُسْلِمٍ . وَرَوَاهُ أَبُو دَاوُدَ وَالتِّرْمِذِيُّ مِنْ حَدِيثِ ابْنِ مَسْعُودٍ، وَابْنِ مَاجَهْ مِنْ حَدِيثِ أَبِي هُرَيْرَةَ .ترجمہ
سعید بن عاص بیان کرتے ہیں کہ سیدہ عائشہ رضی اللہ عنہا کی موجودگی میں ماہِ رمضان کے انتیس ایام ہونے کا تذکرہ ہوا تو اس پر اظہارِ تعجب کیا گیا، جس پر سیدہ عائشہ رضی اللہ عنہا نے فرمایا: ”تم اس بات پر کیوں تعجب کرتے ہو؟ بلا شبہ میں نے رسول اللہ ﷺ کے ہمراہ تیس ایام کی نسبت انتیس دن کے روزے زیادہ کثرت سے رکھے ہیں۔“ اسے ابوداؤد طیالسی اور احمد بن حنبل نے امام مسلم کی شرط پر صحیح سند کے ساتھ روایت کیا ہے، نیز ابوداؤد اور ترمذی نے اسے سیدنا ابن مسعود رضی اللہ عنہ کی حدیث سے اور ابن ماجہ نے سیدنا ابوہریرہ رضی اللہ عنہ کی روایت سے نقل کیا ہے۔