کتب حدیث ›
فضائل الصحابة › ابواب
› باب: (سیدہ فاطمہ رضی اللہ عنہا کے رسول اللہ ﷺ کے جگر کا ٹکڑا ہونے کا بیان)۔
حَدَّثَنَا عَبْدُ اللَّهِ ، قَالَ: حَدَّثَنِي أَبِي، نَا يَحْيَى بْنُ زَكَرِيَّا ، قَالَ: أَخْبَرَنِي أَبِي، عَنِ الشَّعْبِيِّ ، قَالَ: خَطَبَ عَلِيٌّ عَلَيْهِ السَّلَامُ بِنْتَ أَبِي جَهْلٍ إِلَى عَمِّهَا الْحَارِثِ بْنِ هِشَامٍ فَاسْتَشَارَ النَّبِيَّ صَلَّى اللهُ عَلَيْهِ وَسَلَّمَ فِيهَا فَقَالَ: "أَعَنْ حَسَبِهَا تَسْأَلُنِي؟" قَالَ عَلِيٌّ قَدْ أَعْلَمُ مَا حَسَبُهَا، وَلَكِنْ أَتَأْمُرُنِي بِهَا؟ فَقَالَ: "لَا، فَاطِمَةُ مُضْغَةٌ مِنِّي، وَلَا أُحِبُّ إِنْ تَحْزَنَ أَوْ تَجْزَعَ، فَقَالَ عَلِيٌّ عَلَيْهِ السَّلَامُ: لَا آتِي شَيْئًا تَكْرَهُهُ ".
ترجمہ
امام شعبی رحمہ اللہ سے روایت ہے کہ سیدنا علی رضی اللہ عنہ نے ابوجہل کی بیٹی کے سلسلے میں اس کے چچا سیدنا حارث بن ہشام رضی اللہ عنہ کو نکاح کا پیغام دیا، پھر انہوں نے اس بارے میں نبی ﷺ سے مشورہ کیا تو آپ ﷺ نے دریافت فرمایا: ”کیا تم مجھ سے اس کے حسب (خاندانی وجاہت) کے بارے میں پوچھ رہے ہو؟“ سیدنا علی رضی اللہ عنہ نے عرض کیا: ”میں خوب جانتا ہوں کہ اس کا حسب کیا ہے، لیکن کیا آپ مجھے اس کا حکم دیتے ہیں؟“ آپ ﷺ نے ارشاد فرمایا: ”نہیں، سیدہ فاطمہ رضی اللہ عنہا میرا ہی ایک حصہ ہے، اور میں یہ پسند نہیں کرتا کہ وہ غمزدہ یا بے چین ہو“، اس پر سیدنا علی رضی اللہ عنہ نے عرض کیا: ”میں کوئی ایسا کام نہیں کروں گا جو آپ کو ناپسند ہو“۔
حَدَّثَنَا عَبْدُ اللَّهِ ، قَالَ: حَدَّثَنِي أَبِي، نَا يَزِيدُ ، قَالَ: أَنَا إِسْمَاعِيلُ ، عَنْ أَبِي حَنْظَلَةَ ، أَنَّهُ أَخْبَرَهُ رَجُلٌ مِنْ أَهْلِ مَكَّةَ. أَنَّ عَلِيًّا خَطَبَ ابْنَةَ أَبِي جَهْلٍ فَقَالَ لَهُ أَهْلُهَا: لَا نُزَوِّجُكَ عَلَى ابْنَةِ رَسُولِ اللَّهِ صَلَّى اللهُ عَلَيْهِ وَسَلَّمَ، فَبَلَغَ ذَلِكَ رَسُولَ اللَّهِ صَلَّى اللهُ عَلَيْهِ وَسَلَّمَ، فَقَالَ: "إِنَّمَا فَاطِمَةُ بَضْعَةٌ مِنِّي، فَمَنْ آذَاهَا فَقَدْ آذَانِي".
ترجمہ
ابو حنظلہ رحمہ اللہ بیان کرتے ہیں کہ انہیں اہل مکہ کے ایک شخص نے خبر دی کہ سیدنا علی رضی اللہ عنہ نے ابوجہل کی بیٹی کو نکاح کا پیغام بھیجا تو اس کے گھر والوں نے ان سے کہا: ”ہم رسول اللہ ﷺ کی صاحبزادی کی موجودگی میں آپ کا نکاح (اپنی بیٹی سے) نہیں کریں گے۔“ جب یہ بات رسول اللہ ﷺ تک پہنچی تو آپ ﷺ نے فرمایا: «إِنَّمَا فَاطِمَةُ بَضْعَةٌ مِنِّي، فَمَنْ آذَاهَا فَقَدْ آذَانِي» ”فاطمہ تو محض میرا ہی ایک حصہ ہے، چنانچہ جس نے اسے ایذا دی اس نے یقیناً مجھے ایذا دی۔“