حَدَّثَنَا عَبْدُ اللَّهِ ، قَالَ: حَدَّثَنِي مُحَمَّدُ بْنُ يَحْيَى الْأَزْدِيُّ ، قَثَنَا الْوَلِيدُ بْنُ الْقَاسِمِ ، قَثَنَا مَطِيرُ بْنُ ثَعْلَبَةَ التَّمِيمِيُّ ، قَثَنَا أَبُو النَّوَّارِ بَيَّاعُ الْكَرَابِيسِ ، قَالَ: أَتَانِي عَلِيُّ بْنُ أَبِي طَالِبٍ وَمَعَهُ غُلَامٌ لَهُ، فَاشْتَرَى مِنِّي قَمِيصُ كَرَابِيسَ، قَالَ لِغُلَامِهِ: اخْتَرْ أَيَّهُمَا شِئْتَ، فَأَخَذَ أَحَدَهُمَا، وَأَخَذَ عَلِيٌّ الْآخَرَ فَلَبِسَهُ، ثُمَّ مَدَّ يَدَهُ فَقَالَ: اقْطَعِ الَّذِي يَفْضُلُ مِنْ قَدْرِ يَدِي، فَقَطَعَهُ وَكَفَّهُ، فَلَبِسَهُ وَذَهَبَ.
ترجمہ
ابو النوار رحمہ اللہ بیان کرتے ہیں کہ سیدنا علی بن ابی طالب رضی اللہ عنہ میرے پاس تشریف لائے اور ان کے ساتھ ان کا ایک خادم بھی تھا۔ انہوں نے مجھ سے کرابیس (موٹے سوتی کپڑے) کی قمیصیں خریدیں اور اپنے خادم سے فرمایا: ”ان دونوں میں سے جو تمہیں پسند ہو اسے منتخب کر لو۔“ چنانچہ اس نے ان میں سے ایک لے لی اور سیدنا علی رضی اللہ عنہ نے دوسری لے کر پہن لی، پھر اپنا ہاتھ پھیلا کر فرمایا: ”میرے ہاتھ کی پیمائش سے جو حصہ زائد ہے اسے کاٹ دو۔“ تو میں نے اسے کاٹ دیا اور اس کے کنارے برابر کر دیے، پھر انہوں نے اسے زیبِ تن فرمایا اور تشریف لے گئے۔
حَدَّثَنَا عَبْدُ اللَّهِ ، قَالَ: حَدَّثَنِي عَبْدُ اللَّهِ بْنُ مُطِيعِ بْنِ رَاشِدٍ ، قَثَنَا هُشَيْمٌ ، عَنْ إِسْمَاعِيلَ بْنِ سَالِمٍ ، عَنْ أَبِي سَعْدٍ الْأَزْدِيِّ ، وَكَانَ إِمَامًا مِنْ أَئِمَّةِ الْأَزْدِ، قَالَ: رَأَيْتُ عَلِيًّا أَتَى السُّوقَ فَقَالَ: مَنْ عِنْدَهُ قَمِيصٌ صَالِحٌ بِثَلَاثَةِ دَرَاهِمَ؟ فَقَالَ رَجُلٌ: عِنْدِي، فَجَاءَ بِهِ فَأَعْجَبَهُ، قَالَ: فَلَعَلَّهُ خَيْرٌ مِنْ ذَاكَ، قَالَ: لَا ذَاكَ ثَمَنُهُ، قَالَ: فَرَأَيْتُ عَلِيًّا يَقْرِضُ رِبَاطَ الدَّرَاهِمِ مِنْ ثَوْبِهِ، فَأَعْطَاهُ، فَلَبِسَهُ فَإِذَا هُوَ يَفْضُلُ عَلَى أَطْرَافِ أَصَابِعِهِ، فَأَمَرَ فَقَطَعَ مَا فَضَلَ عَنْ أَطْرَافِ أَصَابِعِهِ.
ترجمہ
ابو سعد ازدی رحمہ اللہ، جو قبیلہ ازد کے ائمہ میں سے ایک تھے، بیان کرتے ہیں کہ میں نے سیدنا علی رضی اللہ عنہ کو دیکھا کہ وہ بازار تشریف لائے اور فرمایا: ”کس کے پاس تین درہم میں ایک عمدہ قمیص ہے؟“ ایک شخص نے عرض کیا: ”میرے پاس ہے۔“ چنانچہ وہ اسے لے آیا اور وہ آپ کو پسند آگئی، آپ رضی اللہ عنہ نے فرمایا: ”شاید یہ اس (تین درہم کی قیمت) سے زیادہ قیمتی ہو؟“ اس نے عرض کیا: ”نہیں، اس کی قیمت یہی ہے۔“ راوی کہتے ہیں کہ میں نے دیکھا کہ سیدنا علی رضی اللہ عنہ اپنے کپڑے سے درہموں کی گرہ کاٹ رہے تھے، پھر آپ نے اسے وہ رقم دے دی۔ آپ رضی اللہ عنہ نے وہ قمیص زیب تن فرمائی تو وہ آپ کی انگلیوں کے پوروں سے بڑھی ہوئی تھی، چنانچہ آپ نے حکم دیا اور جو حصہ انگلیوں کے پوروں سے زائد تھا اسے کاٹ دیا گیا۔