سیدنا عمر فاروق رضی اللہ عنہ اور حق کی موافقت

سیدنا عمر فاروق رضی اللہ عنہ

سیدنا عبد اللہ بن عمر رضی اللہ عنہما بیان کرتے ہیں کہ رسول اللہ ﷺ نے فرمایا:

[إن الله جعل الحق على لسان عمر وقلبه]

بلا شبہ اللہ تعالیٰ نے عمر کی زبان اور دل پر حق جاری کر دیا ہے۔

(سنن الترمذي:3682، وصحيح ابن حبان:6895، وسنده حسن، والحديث صحيح)

سیدنا علی رضی اللہ عنہ فرماتے ہیں:

[ما كنا نبعد أن السكينة تنطق على لسان عمر]

ہم بالکل بھی بعید نہیں سمجھتے تھے کہ سکینت سیدنا عمر رضی اللہ عنہ کی زبان پر جاری ہوتی ہے۔

(جامع معمر بن راشد:20380، وسنده حسن)

حافظ نووی رحمہ اللہ (676ھ) فرماتے ہیں:

[إتفقوا على تسميته بالفاروق]

اہل علم کا اتفاق ہے کہ سیدنا عمر بن خطاب رضی اللہ عنہ کا لقب ’فاروق‘ ہے۔

(تهذيب الأسماء واللغات:2 /4)

حافظ ابن حجر رحمہ اللہ (852ھ) فرماتے ہیں:

[أما لقبه فهو الفاروق باتفاق]

سیدنا عمر بن خطاب رضی اللہ عنہ کا لقب ’فاروق‘ ہے، اس پر (سبھی اہل ایمان کا) اتفاق ہے۔

(فتح الباري:7 /44)

فاروق کا مطلب ہے کہ حق اور باطل میں فرق کرنے والا۔