تفسیر السعدی (عبدالرحمٰن السعدی) — سورۃ ق (50) — آیت 43

اسی لیے فرمایا: ﴿ اِنَّا نَحْنُ نُحْیٖ وَنُمِیْتُ وَاِلَیْنَا الْمَصِیْرُۙ۰۰ یَوْمَ تَ٘شَ٘قَّقُ الْاَرْضُ عَنْهُمْ ﴾ ”بے شک ہم ہی تو زندہ کرتے اور مارتے ہیں اور ہمارے پاس ہی لوٹ کر آنا ہے جس روز ان سے زمین پھٹ جائے گی“ یعنی مردوں سے ﴿ سِرَاعًا ﴾ وہ پکارنے والے کی آواز پر لبیک کہتے ہوئے تیزی سے حشر کے میدان کی طرف آئیں گے۔ ﴿ذٰلِكَ حَشْرٌ عَلَیْنَا یَسِیْرٌ ﴾ ”یہ جمع کرنا ہمیں آسان ہے۔“ یعنی اللہ تعالیٰ کے لیے نہایت آسان ہے، جس میں کوئی تکان ہے نہ کلفت۔