تفسیر السعدی (عبدالرحمٰن السعدی) — سورۃ الجاثيه (45) — آیت 34

﴿وَقِیْلَ الْیَوْمَ نَنْسٰىكُمْ ﴾ ”اور کہا جائے گا: آج ہم تمھیں بھلا دیں گے۔“ یعنی ہم تمھیں عذاب میں چھوڑ دیں گے۔ ﴿كَمَا نَسِیْتُمْ لِقَآءَ یَوْمِكُمْ﴾ ”جس طرح تم نے اس دن کی ملاقات کو بھلا رکھا تھا۔“ کیونکہ جزا عمل کی جنس میں سے ہوتی ہے۔ ﴿وَمَاْوٰىكُمُ النَّارُ ﴾ یعنی جہنم تمھارا ٹھکانا اور ٹھہرنے کی جگہ ہے۔ ﴿وَمَا لَكُمْ مِّنْ نّٰ٘صِرِیْنَ ﴾ ”اور تمھارا کوئی مددگار نہیں۔“ جو اللہ تعالیٰ کے عذاب کے مقابلے میں تمھاری مدد کر سکے اور تم سے اللہ تعالیٰ کے عذاب کو ہٹا سکے۔