تفسیر السعدی (عبدالرحمٰن السعدی) — سورۃ الدخان (44) — آیت 19

﴿وَّاَنْ لَّا تَعْلُوْا عَلَى اللّٰهِ﴾ ”اور الله كے مقابلے میں سرکشی نہ کرو۔“ تکبر و استکبار سے اللہ تعالیٰ کی عبادت سے اپنے آپ کو بلند نہ سمجھو اور اللہ تعالیٰ کے بندوں کے ساتھ تکبر سے پیش نہ آؤ۔ ﴿اِنِّیْۤ اٰتِیْكُمْ بِسُلْطٰ٘نٍ مُّبِیْنٍ﴾ ”بے شک میں تمھارے پاس ایک واضح دلیل لے کر آیا ہوں“ اس سے مراد وہ بڑے بڑے معجزات اور وہ زبردست اور ناقابل تردید دلائل ہیں جو موسیٰ علیہ السلام لے کر تشریف لائے۔