تفسیر السعدی (عبدالرحمٰن السعدی) — سورۃ الصافات (37) — آیت 108

﴿وَتَرَؔكْنَا عَلَیْهِ فِی الْاٰخِرِیْنَۖ۰۰ سَلٰ٘مٌ عَلٰۤى اِبْرٰهِیْمَ﴾ یعنی ہم نے قربانی کو، حضرت ابراہیم علیہ السلام کی سچی مدح و ثنا کے لیے، آنے والے لوگوں میں اسی طرح باقی رکھا جس طرح گزرے ہوئے لوگوں میں جاری تھی۔ ابراہیم علیہ السلام کو جب بھی یاد کیا جاتا ہے تو انھیں محبت، تعظیم اور ثنائے حسن کے ساتھ یاد کیا جاتا ہے۔ ﴿سَلٰ٘مٌ عَلٰۤى اِبْرٰهِیْمَ ﴾ یعنی اللہ کی طرف سے ابراہیم علیہ السلام پر سلام ہے، جیسے اس آیت کریمہ میں فرمایا: ﴿قُ٘لِ الْحَمْدُ لِلّٰهِ وَسَلٰ٘مٌ عَلٰى عِبَادِهِ الَّذِیْنَ اصْطَفٰى ﴾ (النحل: 27؍59) ”اے نبی! کہہ دیجیے، ہر قسم کی ستائش اللہ کے لیے ہے اور سلام ہے اس کے ان بندوں پر جنھیں اس نے چن لیا۔“