تفسیر السعدی (عبدالرحمٰن السعدی) — سورۃ النمل (27) — آیت 89

پھر اللہ تعالیٰ نے اس جزا کی کیفیت بیان کرتے ہوئے فرمایا: ﴿ مَنْ جَآءَ بِالْحَسَنَةِ ﴾ ”جو شخص نیکی لے کر آئے گا۔“ یہ اسم جنس ہے جو تمام قسم کی قولی، فعلی اور قلبی نیکیوں کو شامل ہے ﴿ فَلَهٗ خَیْرٌ مِّؔنْهَا﴾ ”تو اس کے لیے اس سے بہتر ہے۔“ یہ کمترین تفصیل ہے۔(مصنف رحمہ اللہ نے اس مقام پر سبقت قلم سے سورۃ الانعام کی آیت ﴿ فَلَهٗ عَشْ٘رُ اَمْثَالِهَا﴾ کی تفسیر کردی ہے) ﴿ وَهُمْ مِّنْ فَزَعٍ یَّوْمَىِٕذٍ اٰمِنُوْنَ ﴾ یعنی وہ ان تمام امور سے مامون اور مصؤن ہوں گے جن سے مخلوق گھبراہٹ اور خوف میں مبتلا ہو گی اگرچہ وہ بھی ان کے ساتھ گھبرا رہے ہوں گے۔