تفسیر السعدی (عبدالرحمٰن السعدی) — سورۃ النمل (27) — آیت 50

﴿ وَمَكَرُوْا مَكْرًا ﴾ ”اور انھوں نے مکر کیا۔“ انھوں نے خفیہ طور پر حضرت صالح علیہ السلام اور اس کے گھر والوں کو قتل کرنے کے منصوبے کی پوری تدبیر کر لی۔ حتیٰ کہ انھوں نے حضرت صالح علیہ السلام کے اولیاء کے خوف سے اس بات کو اپنی قوم سے بھی چھپائے رکھا۔ ﴿ وَّمَكَرْنَا مَكْرًا﴾ ”اور ہم نے بھی ایک چال چلی۔“ یعنی اپنے نبی صالح علیہ السلام کی مدد، ان کے معاملے کو آسان بنانے اور ان کی قوم میں سے جھٹلانے والوں کو ہلاک کرنے کے لیے چال چلی۔ ﴿ وَّهُمْ لَا یَشْ٘عُرُوْنَ﴾ ”اور انھیں کوئی خبر نہ تھی۔“