تفسیر السعدی (عبدالرحمٰن السعدی) — سورۃ النحل (16) — آیت 37

﴿ اِنْ تَحْرِصْ عَلٰى هُدٰؔىهُمْ ﴾ ”اگر آپ خواہش رکھیں ان کی ہدایت کی“ اور اس بارے میں آپ اپنی جدوجہد صرف کریں ﴿ فَاِنَّ اللّٰهَ لَا یَهْدِیْ مَنْ یُّضِلُّ ﴾ ”تو اللہ اس کو ہدایت نہیں دیتا جس کو وہ گمراہ کر دے“ اگرچہ وہ ہدایت کا ہر سبب ہی کیوں نہ استعمال کر لے، اللہ تعالیٰ اسے ہدایت سے نہ نوازے گا۔ ﴿ وَمَا لَهُمْ مِّنْ نّٰ٘صِرِیْنَ﴾ ”اور ان کے لیے کوئی مددگار نہیں “ جو اللہ کے عذاب کے مقابلے میں ان کی مدد کر سکیں اور ان کو اللہ کے عذاب سے بچا سکیں۔