ترجمہ و تفسیر — سورۃ نوح (71) — آیت 17

اس آیت کی تفسیر آیت 16 میں تا آیت 18 میں گزر چکی ہے۔

17۔ 1 یعنی تمہارے باپ آدم ؑ کو، جنہیں مٹی سے بنایا گیا اور پھر اس میں اللہ نے روح پھونکی۔ یا اگر تمام انسانوں کو مخاطب سمجھا جائے، تو مطلب ہوگا کہ تم جس نطفے سے پیدا ہوتے ہو وہ اسی خوراک سے بنتا ہے جو زمین سے حاصل ہوتی ہے، اس اعتبار سے سب کی پیدائش کی اصل زمین ہی قرار پائی ہے۔

اس آیت کی تفسیر اگلی آیات کیساتھ ملاحظہ کریں۔

﴿وَاللّٰهُ اَنْۢـبَتَكُمْ مِّنَ الْاَرْضِ نَبَاتًا﴾ ”اور اللہ ہی نے تم کو زمین سے پیدا کیا ہے۔“ جب تمھارے باپ آدم کو زمین سے پیدا کیا اور تم اس کی صلب میں تھے۔﴿ ثُمَّ یُعِیْدُكُمْ فِیْهَا﴾ ” پھر تمھیں اسی میں لوٹائے گا۔“یعنی موت کے وقت ﴿ وَیُخْرِجُكُمْ اِخْرَاجًا﴾ اور وہ تمھیں حشر و نشر کے لیے زمین سے نکالے گا۔ وہی ہے جو زندگی عطا کرنے، موت دینے اور مرنے کے بعد دوبارہ زندہ کرنے پر اختیار رکھتا ہے۔