السنن المأثورة

➊ جنین سے مراد وہ بچہ ہے جو حاملہ کے پیٹ میں ہے ابھی پیدا نہیں ہوا۔
➋ اگر حمل چار ماہ دس دن یا اس سے زیادہ کا ہو تو اس کا بدل غلام یا لونڈی دی جائے گی، اگر بچہ پیدا ہو جائے پھر کوئی قتل کرے تو قصاص ہوگا، معاف کرنے کی صورت میں دیت ہوگی، اگر ساتھ حاملہ خاتون بھی مر جائے تو اس کا علیحدہ قصاص یا دیت ہوگی۔

➊ اللہ اور اس کے رسول صلی اللہ علیہ وسلم کی بات قانون اور دین کا درجہ رکھتی ہے لہذا احکام شرعی کے مقابل غیر سنجیدہ گفتگو جس کی عملی زندگی میں کچھ حیثیت نہیں، درست نہیں ہے۔
➋ بعض دفعہ جسے سزا سنائی جاتی ہے وہ عدالت میں بڑبڑاتا ہے، عدالتیں ایسے موقع پر صرفِ نظر کرتی ہیں کیونکہ یہ بڑبڑانا بھی سزا کا جزء ہی ہوتا ہے۔
➌ اس کی گفتگو کہانت کی طرح باطل تھی جسے کسی قانون کی تائید حاصل نہ تھی۔
➍ دلائل شہادت صفائی کے موقع پر دیے جاتے ہیں نہ کہ سزا سن کر، کاہنوں کی طرح اسے سعید بن مسیب رحمہ اللہ کو سمجھ نہیں آرہی تھی کہ پہلے کون سی بات کرنی ہے اور بعد میں کون سی یا سجع مقفی کلام پر اسے یہ خطاب ملا۔
➎ شرعی فیصلوں پر اعتراض کرنے والے کاہنوں اور شیطانوں کے بھائی ہیں۔

➊ اگر مسئلہ کا علم نہ ہو تو دلیل کی تلاش کرنا اہل علم اور اسلاف کا شیوہ ہے۔
➋ دلیل آجانے کے بعد اس کی اتباع لازم و ضروری ہے۔
➌ اپنی رائے کے مقابل کتاب و سنت کو اختیار کرنا ہی سلف صحابہ کرام رضی اللہ عنہم کا طرز عمل ہے۔ گزرتے وقت کے ساتھ مسلمان کتاب و سنت سے دور ہوئے، تقلید و جمود نے کتاب و سنت سے دور کیا، نتیجہ سب کے سامنے ہے۔
گر نہیں ہے جستجوئے حق کا تجھ میں ذوق شوق
امتی کہلا کے پیغمبر کو تو رسوا نہ کر

➊ اللہ اور اس کے رسول صلی اللہ علیہ وسلم کے احکامات کا نفاذ کرنے والی اسلامی حکومت کے خلاف بغاوت کرنے والے افراد کو آیت محاربہ کے تحت سزا ملے گی۔ ارشاد باری تعالیٰ ہے: ﴿اِنَّمَا جَزٰٓؤُا الَّذِیْنَ یُحَارِبُوْنَ اللّٰهَ وَ رَسُوْلَهٗ وَ یَسْعَوْنَ فِی الْاَرْضِ فَسَادًا اَنْ یُّقَتَّلُوْۤا اَوْ یُصَلَّبُوْۤا اَوْ تُقَطَّعَ اَیْدِیْهِمْ وَ اَرْجُلُهُمْ مِّنْ خِلَافٍ اَوْ یُنْفَوْا مِنَ الْاَرْضِؕ-ذٰلِكَ لَهُمْ خِزْیٌ فِی الدُّنْیَا وَ لَهُمْ فِی الْاٰخِرَةِ عَذَابٌ عَظِیْمٌ﴾ [المائدہ: 33]
جو اللہ تعالیٰ سے اور اس کے رسول سے لڑیں اور زمین میں فساد کرتے پھریں ان کی سزا یہی ہے کہ وه قتل کر دیئے جائیں یا سولی چڑھا دیئے جائیں یا مخالف جانب سے ان کے ہاتھ پاوں کاٹ دیئے جائیں، یا انہیں جلاوطن کر دیا جائے، یہ تو ہوئی ان کی دنیوی ذلت اور خواری، اور آخرت میں ان کے لئے بڑا بھاری عذاب ہے۔
اس آیت کو آیت محاربہ کہتے ہیں ➋ حدیث میں مذکور لوگوں کا حکم حربیوں (جنگ کرنے والوں) کا ہے لہذا انہیں جرم کی نوعیت کے حساب سے سزا دی گئی کیونکہ ان مجرمین نے چرواہے کو اسی طرح قتل کیا لہذا جزاء من جنس العمل دی گئی۔
➌ اونٹ کا پیشاب بیماری میں استعمال کرنا جائز ہے۔

یہ ان کی ذاتی رائے ہے صحیح احادیث میں ہے کہ ان کی انکھوں میں سلائیاں پھیری گئی کیونکہ انہوں نے چرواہوں کی انکھیں اسی طرح پھوڑی تھی۔ [صحيح مسلم: 1671]

➊ بعض لوگوں کا نظریہ ہے کہ نبی اکرم صلی اللہ علیہ وسلم نے اہل بیت کو خاص علم دیا جبکہ سیدنا علی رضی اللہ عنہ نے اس بات کی تردید فرمائی کہ ایسی کوئی بات نہیں ہے۔
➋ فہمِ کتاب و سنت میں لوگوں کے درمیان تفاضل موجود ہے۔
➌ سیدنا علی رضی اللہ عنہ کے پاس مکتوب علم تھا جس سے معلوم ہوا حدیث مبارکہ کی کتابت عہدِ نبوی صلی اللہ علیہ وسلم میں ہوئی۔
➍ العقل کا لفظی معنی اونٹ کو باندھنے والی رسی ہے۔ چونکہ بطور دیت اونٹ دیے جاتے ہیں جن کو مقتول کے گھر لا کر رسیوں سے باندھ دیا جاتا ہے اس لیے العقل بمعنی دیت بھی مستعمل ہوا۔
➎ کافر حربی ہو یا ذمی اس کے بدلے مومن و مسلمان کو قتل نہیں کیا جائے گا۔