السنن المأثورة

➊ ابتدائی اسلام میں قربانی کرنے والے کم اور فقیر زیادہ تھے اس لیے وقتی طور پر تین دن سے زیادہ ذخیرہ سے منع کیا گیا تاکہ لوگ صدقہ کریں۔
➋ اس سے ثابت ہوتا ہے کہ حاکم وقت خطرات کے پیش نظر وقتی ایسی پابندی لگا سکتا ہے جس سے اسلام کی اصل روح پر اثر نہ پڑے۔
➌ رسول اللہ صلی اللہ علیہ وسلم نے ہجرت کے بعد مدینہ میں دس سال قیام فرمایا، اس دوران آپ بلا ناغہ ہر سال قربانی دیتے رہے، جبکہ آپ صلی اللہ علیہ وسلم زندگی میں ایک مرتبہ بھی صاحب نصاب نہیں ہوئے کہ آپ نے زکاۃ دی ہو۔ لہذا قربانی کے لیے آدمی کے صاحب نصاب ہونے کی شرط عائد کرنا باطل ہے۔

➊ سیدنا ابو سعید خدری رضی اللہ عنہ سے روایت ہے کہ نبی اکرم صلی اللہ علیہ وسلم نے فرمایا: تم اپنے سے پہلی امتوں کی ایک ایک بالشت اور ایک ایک ذراع میں پیروی کرو گے حتی کہ اگر وہ کسی گوہ کے سوراخ میں داخل ہوئے ہوں گے تو تم اس میں بھی ان کی اتباع کرو گے۔ ہم نے عرض کیا: اے اللہ کے رسول صلی اللہ علیہ وسلم! کیا آپ کی مراد یہود و نصاریٰ ہیں؟ آپ صلی اللہ علیہ وسلم نے فرمایا: پھر اور کون؟ (یعنی یہود و نصاریٰ ہی ہیں۔) [صحیح بخاری: 7320]
➋ آج امت مسلمہ کی نسل نو ہر اس کام کو ترجیح دیتی ہے جو کسی یہودی یا نامور عیسائی نے کیا ہو۔
➌ آج ہمیں بازاروں میں بے شمار نوجوان نظر آ رہے ہیں جنہوں نے خاص کبوتری سٹائل میں داڑھیاں بڑھائی ہوئی ہیں کیونکہ یہ یہود و نصاریٰ کا سٹائل ہے۔
وضع میں تم ہو نصاری تو تمدن میں ہنود
یہ مسلماں ہے جنہیں دیکھ کے شرمائیں یہود

➊ یہ روایت اگرچہ ضعیف ہے تاہم یہ حقیقت ہے کہ دین اسلام کا معاملہ بھی جب تک مدینہ میں رہا بدعات سے پاک رہا، جوں ہی کوفہ اور ایران کی مجوسی لونڈیوں کی اولاد دین کی مسانید پر براجمان ہوئی رائے اور قیاس کی بنا پر کتاب و سنت کے مسائل کو رد کرنا شروع کیا، نتیجہ آج ہمارے سامنے ہے کہ ایمانیات سے لے کر معاملات تک رائے زنی ہوئی۔ اللہ رب العزت ہمیں کتاب و سنت کا پابند رکھے۔

➊ یہ واقعہ فتح مکہ کے بعد غزوہ حنین کے سفر میں پیش آیا اور یہ بات نو مسلموں نے کی تھی۔
➋ اس حدیث سے ثابت ہوتا ہے کہ درختوں سے تبرک حاصل کرنا، ان پر جھنڈیاں لگانا، سبز کپڑے لٹکانا مشرکین کا پرانا عمل ہے اور ایسی تمام علامات شرک کے اڈوں پر آج بھی موجود ہیں۔
➌ سیدنا ابو واقد لیثی رضی اللہ عنہ کو دو دن ہوئے تھے مسلمان ہوئے اس لیے انہوں نے سمجھا اسلام میں بھی یہ کام جائز ہوں گے جبکہ ہمارے ہاں ساٹھ ستر سالہ مسلمان بھی ان خرافات کو دین سمجھتے ہیں۔
➍ سیدنا ابو واقد لیثی رضی اللہ عنہ نے سوال کر کے رہتی دنیا تک مشرک اور مومن کی پہچان کروا دی۔
➎ رسول اللہ صلی اللہ علیہ وسلم نے مثال دے کر سمجھایا کہ درخت سے تبرک حاصل کرنا یا بچھڑا پوجنے میں کوئی فرق نہیں دونوں غیر اللہ کے پوجاری اور مشرک ہیں۔ جو چاہتا ہے اسے مشرک نہ کہا جائے اسے چاہیے شرک ترک کر دے تاکہ اسے کوئی مشرک نہ کہے۔

➊ مقتول کے وارث کو بعض حالات میں قصاص کی بجائے دیت وصول کرنے کا حکم صادر کیا جاتا ہے اور بسا اوقات وارث خود قصاص کی بجائے دیت پر راضی ہو جاتا ہے، دیت قتل عمد کی صورت میں مجرم پر اور قتل شبہ عمد یا خطا کی صورت میں عاقلہ برادری (جو وراثت میں حقدار ہوتے ہیں) پر عائد ہوتی ہے۔
➋ اونٹوں کی صورت میں سو اونٹ جن میں پانچ سال سے بڑی حاملہ اونٹنیاں ہونی چاہئیں۔ گائے ہوں تو 200، اگر بکریاں ہوں تو دو ہزار، خاص قسم کے کپڑوں کی صورت میں 200 حلے بھی دیت میں دیے جا سکتے ہیں۔ [سنن ابی داؤد: 4542]
➌ دیت میں اصل سو اونٹ ہیں یا سو اونٹ کی قیمت۔ عہد نبوی میں اونٹ سستے مہنگے ہوتے رہتے تھے اس لیے کبھی بارہ ہزار درہم اور کبھی ایک ہزار دینار بھی مقرر ہوتی رہی ہے۔
➍ دیت ورثاء میں وراثت کی طرح تقسیم ہوگی، اگر ایک وارث دیت پر راضی ہو جائے باقی سارے قصاص چاہتے ہوں تو سب کو دیت ملے گی قصاص نہیں لیا جائے گا۔
➎ ہر سال حکومت دیت کی قیمت کا اعلان ماہ جولائی میں کرتی ہے جس پر عدالتیں عمل کرتی ہیں اس سال (2022-23ء) میں جو دیت کا اعلان کیا گیا ہے اس کے مطابق قیمت 4,333,053 روپے ہے جو کہ ہر سال 30,630 گرام چاندی (Silver) کے حساب سے متعین ہوتی ہے۔
➏ منہاج المسلم میں علامہ جزائری رحمہ اللہ نے لکھا ہے: 1۔ سو اونٹ، 2۔ دو سو گائے، 3۔ دو ہزار بکریاں، 4۔ بارہ ہزار درہم چاندی (اس سے مراد عہد نبوی کے خاص وزن کا درہم ہے)، 5۔ ایک ہزار دینار۔ ان پانچ اموال میں سے کوئی بھی قاتل حاضر کر دے تو مقتول کے ولی کو قبول کرنا لازم ہے۔
➐ علماء کی یہ بات بھی قابل غور ہے کہ اونٹ مہنگے ہوتے تو قیمت بڑھا دی جاتی تھی سستے ہوتے تو قیمت بھی اسی حساب سے کم ہو جاتی لہذا اصل اونٹ ہیں۔

➊ یہ بیع السلف، یا بیع السلم دونوں ناموں سے جانی جاتی ہے، اسلام نے اس سودے کو حدود و قیود کے ساتھ باقی رکھا، اس کی صورت یہ ہے کہ ایک آدمی سے کہا جائے مجھے کالے رنگ کی موٹی ایرانی کھجور چاہیے پوری کلو ہو اور اگلے جمعہ کو چاہیے، کتنے میں لا کر دیں گے؟ سیل مین کہتا ہے 500 کی کلو مل جائے گی۔ سودا طے ہو گیا، جب آدمی پر اعتماد ہو، موسم اس چیز کا ہو یعنی مل جاتی ہو، دینی کب ہے؟ مدت معلوم ہو تو یہ سودا جائز ہے جیسے دکاندار کہتے ہیں منگوا کر دے سکتے ہیں۔ اگر نہ منگوا سکے یا اس صفت پر نہ ہو تو پیسے واپس کرے گا۔
لیکن ناپید یا خاص درخت کی شرط لگائے کہ اس درخت پر اس سال جو کھجور لگے گی وہ اتنے میں میری، یہ ناجائز ہے، کیا پتا اس سال کھجور نہ لگے، لہذا کیل معلوم، وزن معلوم اور اجل معلوم ہونا ضروری ہے۔

➊ معلوم ہوا نرمی برتنے سے اللہ رب العزت کی کوئی نہ کوئی نعمت نصیب ہوتی ہے۔

➊ وہ شادی شدہ عورتیں جن کے شوہر ہوں ان سے نکاح حرام ہے حتی کہ ان کے خاوند انہیں چھوڑ دیں یا وہ عورتیں بیوہ ہو جائیں۔
➋ جنگ کی صورت میں دار الحرب سے جو عورتیں قیدی بن کر آئیں تو اموال غنیمت کی تقسیم کے بعد جن کے حصہ میں آئیں گی ان کے لیے استبراء کے بعد ان سے صحبت جائز ہے خواہ پیچھے ان کے خاوند موجود ہی کیوں نہ ہوں۔
➌ «استبراء» یہ ہے کہ عورت ایک حیض سے پاک ہو جائے یا اگر حاملہ ہے تو وضع حمل ہو جائے۔

اگر سمندر کا وہ جانور جو پانی کے بغیر نہیں رہ سکتا وہ مر جائے پھر پھول جائے، اگر طبی نکتہ نظر سے مضر صحت نہ ہو تو کھایا جا سکتا ہے۔ حدیث میں ہے کہ دو خون اور دو مردار ہم پر حلال ہیں: مردار مچھلی اور ٹڈی، اور خون کلیجہ اور تلی ہیں۔ [سنن ابن ماجہ: 3314]

➊ زمانہ جتنا رسول اللہ صلی اللہ علیہ وسلم کے قریب ہوگا بہتری اسی میں ہے، صحابہ رضی اللہ عنہم تابعین رحمہ اللہ سے افضل ہیں اور تابعین رحمہ اللہ تبع تابعین رحمہ اللہ سے افضل اور بہتر ہیں۔
➋ صحابہ کرام رضی اللہ عنہم نے اس وقت دین کا دفاع کیا، جان، مال و زر پیش کیا جب سارا کفر کاٹ کھانے کو دوڑتا تھا، اُن کے مقام کو کوئی نہیں پہنچ سکتا۔ اُن کا ایک مد خرچ کرنا احد پہاڑ برابر سونا خرچ کر دینے سے افضل ہے۔ ان کے ایمان کی گارنٹی اللہ رب العزت نے دی، ان کی عالی صفات ﴿هُمُ الْمُفْلِحُونَ﴾، ﴿هُمُ الْمُهْتَدُونَ﴾، ﴿هُمُ الرَّاشِدُونَ﴾، ﴿هُمُ الْفَائِزُونَ﴾، ﴿هُمُ الْمُؤْمِنُونَ حَقًّا﴾، ﴿هُمُ الصَّادِقُونَ﴾، ﴿أُولَئِكَ عَنْهَا مُبْعَدُونَ﴾ جس کے دلوں کو تقویٰ سے پرکھا گیا، ﴿لَهُمْ مَغْفِرَةٌ وَأَجْرٌ عَظِيمٌ﴾ کی خوشخبریاں پانے والے، ﴿أُولَئِكَ حِزْبُ اللهِ﴾ کا اعزاز ماتھے پر سجانے والے وہ دین کے رواۃ ہیں، ان کے ذریعے قرآن وسنت ہم تک پہنچے، ان پر جرح کرنا قرآن وسنت پر جرح کرنا ہے۔
➌ منافقین کے لیے جب تلوار کے خوف سے اسلام کی مخالفت کرنا ممکن نہ رہا تو انہوں نے رواۃ اسلام پر دشنام طرازی کی تاکہ قرآن وسنت کو باطل قرار دے سکیں، اس لیے کبار آئمہ نے کہا کہ صحابہ کرام رضی اللہ عنہم کے خلاف زبان دراز کرنے والے زندیق اور جرح کے زیادہ حقدار ہیں۔ [الکفایۃ للخطیب البغدادی: 97]
امام احمد بن حنبل رحمہ اللہ فرماتے ہیں: «اذا رايت رجلا يذكر احدا من الصحابة بسوء فاتهمه على الاسلام» [البدایۃ والنہایۃ: 142/8]
جب تو کسی شخص کو کسی صحابی رضی اللہ عنہ کا برا تذکرہ کرتے دیکھے تو اس کے مسلمان ہونے پر یقین نہ کر۔

مذکورہ روایت کا آخری حصہ صحیح ثابت ہے، چنانچہ سیدنا انس بن مالک رضی اللہ عنہ بیان کرتے ہیں کہ نبی اکرم صلی اللہ علیہ وسلم نے انصار صحابہ کرام رضی اللہ عنہم سے فرمایا: «انكم سترون بعدى اثرة فاصبروا حتى تلقوني و موعدكم الحوض»
میرے بعد تم دیکھو گے کہ تم پر دوسروں کو فوقیت دی جائے گی لہذا تم صبر کرنا یہاں تک کہ مجھ سے آ ملو اور میری تم سے ملاقات حوض پر ہوگی۔ [صحيح بخاري: 3793]
یہ روایت سیدنا اسید بن حضیر رضی اللہ عنہ سے بھی مروی ہے۔ [صحيح بخاري: 3792]