السنن المأثورة

➊ نصاب سے کم مال میں زکاۃ فرض نہیں ہے۔
➋ اونٹوں کا نصابِ زکاۃ پانچ اونٹوں سے شروع ہوتا ہے، گائے اور بھینس کا 30 سے اور بکری و بھیڑ کا 40 سے شروع ہوتا ہے۔
➌ چاندی کا ایک اوقیہ 40 درہم کا ہوتا ہے، 5 اوقیہ 200 درہم کا ہوتا ہے یعنی تقریباً ساڑھے باون تولے چاندی یا اتنی مالیتی کرنسی ہو تو اس پر قانونِ زکاۃ لاگو ہوگا، جبکہ سونا ساڑھے سات تولے ہو تو زکاۃ کا قانون لاگو ہوگا، ان پر سال گزرنا شرط ہے۔
➍ غلے کی زکاۃ کٹائی کے وقت ہے اس کے بعد صدیوں غلہ پڑا رہے اس پر زکاۃ نہیں الا یہ کہ کاروبار کے لیے ہو تو کاروبار پر کرنسی کے حساب سے زکاۃ ہوگی۔
➎ غلے کا نصاب 5 وسق ہے، ایک وسق میں 60 ساٹھ صاع ہوتے ہیں اور صاع اڑھائی کلو کا ہوتا ہے، اس اعتبار سے تقریباً 19 من وزن غلہ ہو تو اس پر زکاۃ ہوگی۔
➏ کرنسی، سونا اور چاندی کو اڑھائی فیصد یعنی کل رقم کو چالیس سے تقسیم کریں جو جواب ہوگا وہ اڑھائی فیصد ہے، وہی زکاۃ ہے۔
➐ جانور کا اپنا اپنا حساب ہے تفصیل کے لیے مطولات کی طرف رجوع کریں۔
➑ غلہ اگر بارش، چشموں اور دریاؤں سے خود بخود سیراب ہوتا رہا ہے تو دسواں حصہ زکاۃ ہے اور اگر آبپاشی خرچ مانگتی رہی ہے، خود سیراب کیا ہے اونٹوں یا موٹروں کے ذریعے تو اس میں نصف عشر یعنی بیسواں حصہ زکاۃ ہے۔ [صحیح بخاری: 1483، صحیح مسلم: 981]