السنن المأثورة

سینگی سے روزہ ٹوٹنے میں اہل علم کے ہاں اختلاف ہے۔ جمہور علماء کا مذہب یہ ہے کہ جن احادیث میں روزہ ٹوٹنے کا ذکر ہے وہ منسوخ ہیں۔ اور اس شخص کے لیے حالت روزہ میں سینگی مکروہ ضرور ہے جسے کمزوری لاحق ہو جیسا کہ سیدنا انس بن مالک رضی اللہ اللہ عنہ سے دریافت کیا گیا: «أكنتم تكرهون الحجامة للصائم قال لا إلا من أجل الضعف»
کیا آپ لوگ روزہ دار کے لیے سینگی مکروہ جانتے ہیں تو انہوں نے جواباً کہا نہیں البتہ کمزوری کے خیال سے حالت روزہ میں سینگی لگوانا اچھا نہیں سمجھتے۔ [صحیح بخاری: 1940]

➊ سینگی ایک خاص قسم کا طریقہ علاج ہے جس میں معالج خاص طریقے سے پچھ لگا کر خون نکالتا ہے۔
➋ اس حدیث سے معلوم ہوا رسول اللہ صلی اللہ علیہ وسلم نے حالت روزہ اور حالت احرام میں سینگی لگوائی۔
➌ سینگی کی ممانعت سے متعلق وارد احادیث منسوخ ہیں۔
➍ حالت روزہ میں سینگی سے متعلق احتیاط کا معاملہ پیچھے گزر چکا ہے۔ دیکھیے شرح حدیث نمبر 343