السنن المأثورة

➊ عرب میں بھی اسلام سے قبل پیری فقیری کے دھندے بہت تھے کہانت ان ہی کی ایک قسم ہے جس میں ایک کاہن آئندہ رونما ہونے والے امور سے متعلق دعوے کر کے کمائی کرتا ہے۔ کہانت اور اس سے ملتے جلتے امور سے حاصل کی گئی کمائی حرام ہے۔ یہ سب حرام خوری ہے۔
➋ کتوں کی تجارت بھی حرام ہے چاہے کتا شکاری ہو یا شوقیہ رکھا گیا ہو۔
➌ زانیہ کی آمدنی یا ان کو لائسنس جاری کر کے ٹیکس وصول کرنا یا رنڈیوں کا کاروبار سب حرام خوری ہے۔
➍ غیب کے دعویداروں کے جنات و شیاطین سے روابط ہوتے ہیں جو آدمی کے شیطان سے پوچھ لیتے ہیں کہ یہ بندہ کس کام آیا ہے اور گھر کے دروازے کتنے ہیں؟ وغیرہ وغیرہ پھر کاہن اپنے شیطان سے پوچھ کر لوگوں کو بتاتا ہے جس کی وجہ سے لوگ اس جادوگر کو پہنچی ہوئی سرکار متصور کر لیتے ہیں اور اس پر تحائف نچھاور کرتے ہیں اسلام نے ان سب کمائیوں سے منع کر دیا ہے۔ ایسی کمائیاں کرنا کرانا، سبب بننا یا کسی طور اعانت کرنا حرام ہے اور اکثر لوگ ان کے سبب شرکیات میں مبتلا ہو کر ایمان سے ہاتھ دھو بیٹھتے ہیں۔
➎ رسول اللہ صلی اللہ علیہ وسلم نے فرمایا: «من أتى عرافا فسأله عن شئ لم تقبل له صلاة أربعين ليلة» جو غیب کی خبریں بتانے کے دعویدار کے پاس آیا اور اس سے کچھ پوچھا تو اس کی چالیس روز تک نماز قبول نہیں ہوتی۔ [صحیح مسلم، رقم الحدیث: 2230]

➊ بعض پیشے جن کو شرعاً مستحسن نہیں سمجھا گیا ان میں سے ایک پیشے کا ذکر اس حدیث میں ہوا، اس دور میں سینگی لگانے والا گندا خون چوس کر باہر کھینچتا تھا اب جدید طریقہ آ گیا کپ یا گلاس خون کو خود کھینچ لیتا ہے۔
➋ اگر بطور مشورہ کوئی پوچھے تو اسے اچھا پیشہ اختیار کرنے کی تلقین کرنی چاہیے اور جہاں تک اس کے جواز کا تعلق ہے رسول اللہ صلی اللہ علیہ وسلم نے خود ابو طیبہ رضی اللہ عنہ سے سینگی لگوائی اور اجرت دی۔ [بخاري: 2102]
اگر یہ پیشہ مطلقاً حرام ہوتا تو آپ صلی اللہ علیہ وسلم کبھی اجرت نہ دیتے اس لیے علماء نے اس کو مکروہ یعنی ناپسندیدہ کام جانا ہے۔
➌ سینگی ایک خاص طریقہ علاج ہے جو ماہر سے ہی لگوانی چاہیے۔ ماہرین خصوصی پوائنٹ پر درست کٹ لگا کر خون نکالتے ہیں۔ نیم حکیم خطرہ جان بھی بن سکتے ہیں۔
➍ یہ بات ذہن نشین رہے کہ یہ طریقہ علاج ہے بلا جواز سینگیاں لگواتے رہنا درست عمل نہیں۔

➊ معلوم ہوا یہ پیشہ حرام نہیں ہے۔
➋ حجامہ کی اجرت لینا جائز ہے۔

➊ ابوطیبہ رضی اللہ عنہ کا نام دینار تھا جو محیصہ بن مسعود انصاری رضی اللہ عنہ کے غلام تھے اپنے مالک کو تین صاع ٹیکس ادا کرتے تھے رسول اللہ صلی اللہ علیہ وسلم کے حکم سے ایک صاع معاف ہوا۔
➋ شرعاً جائز امور میں لوگوں کی سفارش کرنا مسنون ہے۔
➌ علاج کروانا مشروع ہے۔
➍ سینگی بہترین طریقہ علاج ہے۔
➎ «القسط» ہندوستان میں پیدا ہونے والی ایک خوشبو دار لکڑی ہے جو بطور دوا اور بطور بخور استعمال ہوتی ہے۔ [القاموس الوحید: 1310]
➏ معلوم ہوا «قسط بحري» یعنی عود ہندی بچوں کے دردِ حلق کے لیے اکسیر ہے۔
➐ حلق یا کوے کو دبا کر عورتوں کا بچوں کا علاج کرنا درست نہیں ہے۔
➑ «العذرة» یہ ایک ورم ہے جو بچے کے حلق میں کثرت خون کی وجہ سے ہو جاتا ہے، اکثر یہ بیماری اس وقت ہوتی ہے جب عذرہ ستارے نکلتے ہیں یعنی وسط گرما میں اور وہ پانچ ستارے ہیں شعری ستارے کے تلے۔ بعض نے کہا عذرہ وہ زخم ہے جو ناک اور حلق کے درمیان بچوں کو ہو جاتا ہے۔ عرب کی عورتیں اس طرح کرتی تھیں کہ حلق میں انگلی ڈال کر اس کو دباتی یا چیتھڑے کو خوب بٹ کر سخت کر کے بچے کی ناک میں گھسیڑتی، وہ اس زخم تک پہنچ کر کالا خون بہا دیتا جب بچہ اچھا ہو جاتا اس کو دغر کہتے، عرب لوگ کہتے ہیں «عذرت الصبي» یعنی بچے کا حلق دبایا عذرہ کی بیماری میں۔ [لغات الحديث: 125]

➊ گھریلو زندگی خوشگوار گزارنے کا ایک انداز معلوم ہوا۔
➋ خاوند بیوی سے دل لگی کرتے ہوئے دوڑ لگا سکتا ہے۔ عورت باپردہ حالت میں دوڑ سکتی ہے بشرطیکہ پبلک نمائش نہ ہو اور غیر محرم نہ دیکھے جیسا کہ عصر حاضر میں ہر کام ویڈیو اور ٹک ٹاک کی خاطر انجام دیے جاتے ہیں۔
➌ شرعاً جائز امور میں مسابقت و مقابلہ بازی درست ہے۔
➍ خاوند و بیوی کا رشتہ پیار و محبت اور احساس کا ہے، دونوں شرعی حدود میں رہتے ہوئے فرحت طبع کے لیے کبھی کبھار خاص پروگرام منعقد کر سکتے ہیں۔

➊ اگر جرابیں یا موزے باوضو حالت میں پہنے ہوں تو اگلی نماز کے لیے مسح کر لینا جائز عمل ہے۔
➋ پیشاب پاخانہ سے مسح باطل نہیں ہوتا۔
➌ اگر وضو ٹوٹ جائے اور آدمی ایک جراب اتار کر پھر پہنے تو مسح نہیں کیا جائے گا بلکہ پاؤں دھوئے گا، ایسے ہی مدت مسح پوری ہو جائے تو بھی پاؤں دھوئے گا۔
➍ مدت مسح مسافر کے لیے تین دن اور تین رات ہے اور مقیم کے لیے ایک دن اور ایک رات یعنی پانچ نمازیں مسح کر کے آدمی پڑھ سکتا ہے۔
➎ اگر باوضو حالت میں جرابیں پہنیں پھر وضو ٹوٹ گیا، اس کے اوپر ایک اور جرابوں کا جوڑا چڑھا لیا تو اس پر بھی مسح کیا جا سکتا ہے کیونکہ پاؤں ننگا نہیں ہوا۔ (واللہ اعلم)
➏ جنبی ہو جانے پر غسل کے لیے جرابیں اور موزے اتارے جائیں گے۔
➐ اس حدیث سے یہ بھی معلوم ہوا کہ بول و براز نواقض وضو میں سے ہے۔