السنن المأثورة

➊ عورتیں مسجد میں نماز کے لیے آ سکتی ہیں لیکن عورت کی افضل نماز گھر میں ہے، عید کے لیے عورتوں کو خصوصی حکم ہے کہ عید میں شریک ہوں چاہے حیض کی حالت میں ہوں جو نماز تو نہ پڑھیں البتہ مسلمانوں کی دعا میں شریک ہو جائیں لیکن اس شرط کے ساتھ کہ بغیر زیب و زینت کے آئیں خوشبو نہ لگائیں بے پردگی نہ ہو۔
➋ ایک روایت میں ہے جو عورت خوشبو لگا کر نامحرم کے پاس سے گزرتی ہے تاکہ وہ اس کی خوشبو سونگھیں (یعنی اس کی خوشبو انہیں اپنی طرف متوجہ کر دے) تو وہ زانیہ ہے۔[سنن نسائی: 5129]
➌ غسل جنابت کے حکم سے مراد خوشبو کو اچھی طرح دھونا ہے جیسے غسل جنابت میں اعضاء اچھی طرح دھوئے جاتے ہیں۔ (واللہ اعلم)
➍ زانیہ سے مراد زنا کی دعوت دینے کا سبب بننے والی ہے اگر حقیقی زانیہ اور حقیقی غسل جنابت مراد ہوتا تو ایسی عورت کو رجم کا بھی حکم ہوتا جس سے اشارہ ملتا ہے کہ اصل چیز کا حکم سبب پر بولا گیا ہے کہ اس عمل کا بالآخر انجام بدکاری ہے لہذا انجام سے ڈرانا مقصود ہے۔
➎ خوشبو لگا کر عورت کا باہر نکلنا کبیرہ گناہ ہے چاہے مسجد میں ہی جانا مقصود ہو اس سے ان بہنوں اور بیٹیوں کو عبرت حاصل کرنی چاہیے جو خوشبو لگا کر، بے پردہ ہو کر اپنے بدن کی نمائش کرنے بازاروں، دفتروں اور پارکوں میں ہر نظر کے لیے شاملاٹ بن جاتی ہیں۔ اگر مجبورا گھر سے نکلنا پڑے تو بغیر خوشبو کے سادہ حالت میں با پردہ ہو کر نکلیں جیسا کہ اسلام کا حکم ہے۔
➏ عورت کا بناؤ سنگھار صرف شوہر کے لیے ہے اور کسی مقام پر جائز نہیں نہ شادیوں میں، نہ سکولوں، کالجوں میں اور نہ پرائی عورتوں کے سامنے تاکہ دوسری اس کا حسن اپنے خاوند کے سامنے نہ بیان کرے۔
➐ جس عورت کا خاوند نہیں پسند کرتا کہ اس کی بیوی سرخی لگائے اسے خاوند کے لیے بھی نہیں لگانی چاہیے۔
➑ عورتوں کو غیر شرعی طریقے اختیار کر کے زینت اپنانا ممنوع ہے۔ [صحیح بخاری: 4886]
➒ بڑی عمر کے بزرگوں کو جب فتنہ کا اندیشہ نہ ہو عورتوں کو نصیحت کرنی چاہیے۔ سیدنا ابوہریرہ رضی اللہ عنہ حکومتی عہدے پر بھی فائز رہے ہیں محاسب کے آفیسر بازاروں میں عورتوں کو وعظ و نصیحت کے علاوہ، اگر قانون موجود ہو تو مار پیٹ بھی کر سکتے ہیں۔
➓ بعض الناس کی طرف سے فتنہ کے اندیشہ کے پیش نظر خواتین کو مساجد میں آنے سے روکنا خلافِ شرع ہے۔

➊ یہ دو روایات جن میں سے ایک کو امام شافعی رحمہ اللہ بسند امام مالک رحمہ اللہ جبکہ دوسری کو بسند امام سفیان بن عیینہ رحمہ اللہ لائے ہیں۔ جن میں اس بات کا ذکر ہے کہ آدمی سیدھا لیٹ کر ایک ٹانگ کو دوسری پر چڑھا سکتا ہے جبکہ صحیح مسلم وغیرہ میں ہے کہ سیدھے لیٹ کر ایک ٹانگ پر دوسری چڑھانا منع ہے۔ تطبیق اس طرح ہے کہ اگر تہبند باندھا ہو تو اس انداز میں لیٹنا منع ہے کیونکہ پردہ زائل ہو جاتا ہے اور اگر پردہ قائم ہو تو چت لیٹ کر کسی بھی ٹانگ کو دوسری پر رکھا جا سکتا ہے۔ (واللہ اعلم!)
➋ عباد بن تمیم رحمہ اللہ کے چچا کا نام عبد اللہ بن زید بن عاصم انصاری رضی اللہ عنہ ہے یہ ان کے والد محترم کے اخیافی (ماں کی طرف سے) بھائی تھے۔ یہ جلیل القدر صحابی ہیں ان کو احد، خندق اور دیگر غزوات میں شرکت کا اعزاز ملا ہے جنگ یمامہ میں وحشی رضی اللہ عنہ کے ساتھ مل کر مسیلمہ کذاب کو قتل کیا۔ 63ھ کو یوم الحرہ وفات پائی۔

➊ انبجان علاقے کا نام ہے جہاں چادریں بنتی تھیں، انبجانی چادریں سادہ اور بغیر دھاریوں کے ہوتی تھیں۔
➋ سیدنا ابو جہم رضی اللہ عنہ نے آپ صلی اللہ علیہ وسلم کو تحفے میں خوبصورت دھاریوں والی چادر دی، آپ صلی اللہ علیہ وسلم نے ان سے سادہ چادر لینے کے لیے کہا تاکہ اگر وہ واپس کی جائے تو ان کا دل نہ دکھے۔
➌ یہ نماز آپ صلی اللہ علیہ وسلم نے دہرائی نہیں، اس سے معلوم ہوتا ہے کہ دھاری دار چادر میں نماز پڑھ لی تو نماز تو ہو جائے گی البتہ جو چیز نماز میں خلل ڈالے اسے بدل دینا چاہیے، اور ضروری نہیں کہ ایک چیز اگر ایک آدمی کو خلل ڈالتی ہے تو دوسرے کو بھی خلل ڈالے گی، آپ صلی اللہ علیہ وسلم نے تمام صحابہ رضی اللہ عنہم کو حکم نہیں دیا کہ آج کے بعد کوئی دھاری دار لباس پہن کر نماز نہ پڑھے بلکہ اپنا خلل دور فرمایا۔ (واللہ اعلم!)
➍ بعض لوگ مساجد کے قالین پر اعتراض کر کے پوری مسجد کے لیے وبال بن جاتے ہیں کہ اس کو دور کرو، جبکہ مسئلہ صرف ایک بندے کو ہوتا ہے، اسے چاہیے کہ وہ گھر سے سادہ مصلیٰ لے آیا کرے۔ (واللہ اعلم!)
➎ اگر کسی جاندار کی شکل بنی ہوئی ہے یا کوئی بت بنا ہے تو اس قالین پر نماز درست نہ ہو گی، اس کو تبدیل کرنا ضروری ہے، البتہ اہل المساجد کو چاہیے کہ قالین ایک رنگ والا خریدیں اور سادگی کو ہر چیز میں ترجیح دیں، شوخ رنگ اور پھول بوٹوں والے جائے نماز مساجد میں نہ ڈالیں تاکہ خلل واقع نہ ہو۔

➊ تحائف کا تبادلہ مسنون عمل ہے۔ صحابہ کرام رضی اللہ عنہم پیارے پیغمبر صلی اللہ علیہ وسلم کو تحفے دیتے اور آپ صلی اللہ علیہ وسلم قبول فرما لیتے تھے۔
➋ مزید شرح اور مسائل کے لیے دیکھیے حدیث نمبر 183۔