السنن المأثورة

➊ امام ابو داؤد رحمہ اللہ بیان کرتے ہیں امام مالک رحمہ اللہ نے فرمایا: اس سے مراد یہ ہے کہ صاحب حق کو علم نہ ہو کہ اس کا گواہ کون ہے، تو اس صورت میں کسی کا بغیر طلبی کے گواہ بننا۔ [سنن ابي داود: 3596] بعض دفعہ وقوعہ کے گواہان نامزد نہیں ہوتے تو ایک آدمی خود اپنی گواہی پیش کرتا ہے ﴿وَلَا تَكْتُمُوا الشَّهَادَةَ﴾ [البقرة: 283] پر عمل کر کے اپنا فریضہ پورا کرتا ہے یقیناً وہ بہترین گواہ ہے جس نے مجبور اور سادہ لوگوں کی مدد کی اور قاضی کے لیے حق و انصاف میں معاون بنا یہ مدح سچے گواہ کی بیان کی گئی ہے۔
➋ جھوٹے گواہ جو بڑھ چڑھ کر گواہیاں دیتے ہیں کہ مدعی ست اور گواہ چست ان کی حدیث میں مذمت بیان کی گئی ہے علامات قیامت میں سے ہے کہ ایسے لوگ آئیں گے جو طلب کیے بغیر گواہی دیں گے اور قسمیں کھائیں گے حالانکہ اُن سے قسم نہیں طلب کی جائے گی۔ [بخاری: 2651]