السنن الكبرى للبيهقي

امام شافعی رحمہ اللہ نے فرمایا: ”کیونکہ نیت دل کی بات ہے، اور لوگوں سے ان باتوں (کا مؤاخذہ) معاف کر دیا گیا ہے جو وہ اپنے دلوں میں سوچتے ہیں۔“

حضرت ابوہریرہ رضی اللہ عنہ فرماتے ہیں کہ رسول اللہ ﷺ نے فرمایا: ”جو انسان کے دل و دماغ میں وسوسے پیدا ہوتے ہیں اللہ نے میری امت سے معاف کر دیے ہیں جب تک زبان سے نہ کہے یا عمل نہ کرے۔“
(ب) ہشام کی روایت میں ہے کہ نبی ﷺ نے فرمایا: ”اللہ نے میری امت سے معاف کر دیا ہے۔“

حضرت مجاہد رحمہ اللہ فرماتے ہیں کہ ایک قریشی شخص نے اپنی بیوی کو طلاقِ بتہ دے دی تو وہ بازار میں ایک دیہاتی شیخ اور اس کے بیٹے کے پاس سے گزرا جو تجارت کی غرض سے بازار آئے تھے۔ پھر اس نے جوان سے کہا: کیا تیرے اندر بھلائی ہے؟ وہ ان کے پاس سے چلا گیا، پھر دوبارہ پلٹ کر آیا، اس نے ویسے ہی کہا، پھر وہ چلا گیا۔ اس نے کہا: ہاں۔ اس نے کہا: مجھے اپنا ہاتھ دکھاؤ۔ پھر وہ اس کے ساتھ گیا اور اسے خبر دی اور اس عورت سے نکاح کا حکم دیا۔ اس نے اس عورت کے ساتھ رات گزاری۔ جب اس نے صبح کی اور اجازت طلب کی تو اجازت مل گئی۔ پھر وہ اچانک اس سے پیٹھ پھیر کر جا رہا تھا تو اس عورت نے کہا: اگر اب اس نے مجھے طلاق دی تو میں آئندہ کبھی بھی تجھ سے نکاح نہ کروں گی۔ اس بات کا تذکرہ سیدنا عمر رضی اللہ عنہ کے سامنے ہوا تو انہوں نے اس (قریشی) کو بلایا اور فرمایا: اگر تو اس عورت سے نکاح کرتا تو میں تیرے ساتھ اس طرح اور اس طرح کرتا، اور اس کو ڈرایا، اور اس کے خاوند کو بلایا اور فرمایا: اس کو لازم پکڑو اور دوسری جگہ ہے کہ فرمایا: اگر کوئی چیز آپ کے لیے پیش آئے تو مجھے خبر دینا۔

ابن سیرین رحمہ اللہ فرماتے ہیں کہ ایک عورت کو اس کے خاوند نے تین طلاقیں دے دیں۔ ایک مسکین دیہاتی مسجد کے دروازے پر بیٹھا کرتا تھا۔ اس کے پاس ایک عورت آئی اور کہنے لگی: کیا تجھے ایک عورت میں دلچسپی ہے کہ تو اس سے نکاح کرے، ایک رات اس کے ساتھ گزارے اور صبح کو اسے جدا کر دے؟ اس نے کہا: ہاں۔ چنانچہ ایسا ہی ہوا۔ پھر اس کی بیوی نے اس سے کہا: جب تو صبح کرے گا تو وہ تجھ سے کہیں گے کہ اسے جدا کر دے، تو ایسا نہ کرنا، جو کچھ تو دیکھ رہا ہے میں تیرے لیے اس کا انتظام کروں گی، اور حضرت عمر رضی اللہ عنہ کے پاس چلے جانا۔ جب صبح ہوئی تو وہ لوگ اس کے پاس بھی آئے اور عورت کے پاس بھی۔ عورت نے کہا: تم اس سے بات کرو، تم ہی اسے لے کر آئے تھے۔ انہوں نے اس سے بات کی لیکن اس نے انکار کر دیا اور حضرت عمر رضی اللہ عنہ کے پاس چلا گیا تو انہوں نے فرمایا: اپنی بیوی کو لازم پکڑو، اگر وہ تمہیں کسی شک میں ڈالیں تو میرے پاس آ جانا۔ اور آپ نے اس عورت کو بلوایا جو اس کام کے لیے دوڑ دھوپ کر رہی تھی اور اسے عبرتناک سزا دی۔ پھر وہ مسکین صبح و شام حلہ پہن کر حضرت عمر رضی اللہ عنہ کے پاس آیا کرتا تھا اور آپ فرماتے: تمام تعریفیں اس اللہ کی ہیں جس نے اے دو پیوندوں والے! تجھے ایسا حلہ پہنایا جس میں تو صبح و شام آتا جاتا ہے۔
امام شافعی رحمہ اللہ فرماتے ہیں: میں نے یہ حدیث ابن سیرین سے مسند، شاذ اور متصل بھی سنی ہے، وہ اسے حضرت عمر رضی اللہ عنہ تک اسی مفہوم کے ساتھ متصل بیان کرتے ہیں۔