صحیح الجامع الصغیر

"إن رجلا لم يعمل خيرا قط وكان يداين الناس فيقول لرسوله: خذ ما تيسر واترك ما عسر وتجاوز لعل الله أن يتجاوز عنا فلما هلك قال الله: هل عملت خيرا قط؟ قال: لا إلا أنه كان لي غلام كنت أداين الناس فإذا بعثته يتقاضى قلت له: خذ ما تيسر واترك ما عسر وتجاوز لعل الله أن يتجاوز عنا قال الله: قد
تجاوزت عنك"

(نبی کریم ﷺ نے فرمایا:)
”بےشک ایک شخص نے کبھی کوئی نیکی نہیں کی تھی سوائے اس کے کہ وہ لوگوں کو قرض دیا کرتا تھا اور اپنے کارندے (نوکر) سے کہا کرتا تھا: جو آسانی سے مل جائے وہ لے لو اور جو مشکل ہو اسے چھوڑ دو، اور درگذر کرو شاید کہ اللہ بھی ہم سے درگذر کر دے۔ جب وہ ہلاک ہوا تو اللہ تعالیٰ نے فرمایا: کیا تو نے کبھی کوئی نیکی کی ہے؟ اس نے کہا: نہیں، سوائے اس کے کہ میرا ایک غلام تھا اور میں لوگوں کو قرض دیا کرتا تھا، جب میں اسے وصولی کے لیے بھیجتا تو کہتا تھا: جو آسانی سے ملے لے لو اور جو مشکل ہو چھوڑ دو اور درگذر کرو، شاید کہ اللہ ہم سے بھی درگذر کر دے۔ تو اللہ تعالیٰ نے فرمایا: میں نے تجھ سے درگذر فرما دیا۔“