صحيح الادب المفرد

سیدنا ابوہریرہ رضی اللہ عنہ سے روایت ہے کہ صحابہ نے عرض کیا: اے اللہ کے رسول! ہم اپنے دلوں میں ایسی بات پاتے ہیں کہ ہمیں یہ پسند نہیں کہ اسے زبان پر لائیں، اگرچہ ہمیں وہ سب کچھ مل جائے جس پر سورج طلوع ہوتا ہے۔ آپ صلی اللہ علیہ وسلم نے فرمایا: ”کیا تم نے واقعی یہ (کیفیت) پائی ہے؟“ انہوں نے عرض کیا: جی ہاں۔ آپ صلی اللہ علیہ وسلم نے فرمایا: ”یہ تو خالص ایمان ہے۔“

سیدنا انس بن مالک رضی اللہ عنہ سے روایت ہے، انہوں نے کہا: رسول اللہ صلی اللہ علیہ وسلم نے فرمایا: ”لوگ ہمیشہ ان چیزوں کے بارے میں سوال کرتے رہیں گے جو واقع نہیں ہوئیں، یہاں تک کہ وہ کہیں گے: یہ اللہ ہر چیز کا خالق ہے، تو اللہ کو کس نے پیدا کیا؟!“