صحيح الادب المفرد

نافع سے روایت ہے، انہوں نے کہا: سیدنا ابن عمر رضی اللہ عنہما کو سیدنا معاویہ رضی اللہ عنہ سے کوئی کام تھا، انہوں نے ان کی طرف خط لکھنے کا ارادہ کیا تو لوگوں نے کہا: (خط) ان (کے نام) سے شروع کیجیے! وہ مسلسل ان سے اصرار کرتے رہے یہاں تک کہ انہوں نے لکھا: ”(بسم اللہ الرحمن الرحیم) معاویہ کی طرف ۔“

انس بن سیرین سے روایت ہے، انہوں نے کہا: میں نے سیدنا ابن عمر رضی اللہ عنہما کے لیے (خط) لکھا تو انہوں نے فرمایا: ”لکھو: (بسم اللہ الرحمن الرحیم)، اما بعد: فلاں کی طرف ۔“ اور انہی سے ایک روایت میں ہے، انہوں نے کہا: ایک آدمی نے سیدنا ابن عمر رضی اللہ عنہما کے سامنے لکھا: (بسم اللہ الرحمن الرحیم) فلاں کے لیے، تو سیدنا ابن عمر رضی اللہ عنہما نے اسے منع کیا اور فرمایا: ”یوں کہو: بسم اللہ، (اور اس کے بعد لکھو کہ) یہ (خط) فلاں کے لیے ہے ۔“