846/1106 (صحيح) عن عبد الله بن عمر؛ أنه قال: قال رسول الله صلى الله عليه وسلم : " إن اليهود إذا سلّم عليك أحدهم، فإنما يقول: السام عليك، فقولوا: وعليك".
ترجمہ:مولانا عثمان منیب
سیدنا عبداللہ بن عمر رضی اللہ عنہما سے روایت ہے، انہوں نے کہا کہ رسول اللہ صلی اللہ علیہ وسلم نے فرمایا : ”یہودیوں میں سے جب کوئی تمہیں سلام کرتا ہے تو وہ یہی کہتا ہے: السام علیک (تجھ پر موت ہو)، لہٰذا تم (جواب میں) کہو: وعلیک (اور تجھ پر بھی) ۔“
847/1107 (حسن) عن ابن عباس قال: "ردوا السلام على من كان يهودياً، أو نصرانياً، أو مجوسياً؛ ذلك بأن الله يقول: ? وإذا حييتم بتحية فحيوا بأحسن منها أو ردّوها? [النساء: 86]".
ترجمہ:مولانا عثمان منیب
سیدنا ابن عباس رضی اللہ عنہما سے روایت ہے، انہوں نے فرمایا: ”جو شخص یہودی ہو یا عیسائی یا مجوسی، اس کے سلام کا جواب دو، اس لیے کہ اللہ تعالیٰ فرماتا ہے: «وإذا حييتم بتحية فحيوا بأحسن منها أو ردّوها» ”اور جب تمہیں کوئی سلام کیا جائے تو تم اس سے بہتر (الفاظ میں) سلام کرو یا وہی لوٹا دو“ [النساء: 86] ۔“
