789/1030- (صحيح) عن عائشة رضي الله عنها، قالت: أقبلت فاطمة تمشي كأن مشيتها مشي النبي صلى الله عليه وسلم، فقال: "مرحباً بابنتي". ثم أجلسها عن يمينه، أو عن شماله.
ترجمہ:مولانا عثمان منیب
سیدہ عائشہ رضی اللہ عنہا سے روایت ہے، انہوں نے کہا: سیدہ فاطمہ رضی اللہ عنہا چلتی ہوئی آئیں، ان کی چال گویا نبی صلی اللہ علیہ وسلم کی چال تھی، تو آپ صلی اللہ علیہ وسلم نے فرمایا : ”میری بیٹی کو خوش آمدید ۔“ پھر آپ نے انہیں اپنی دائیں جانب یا بائیں جانب بٹھایا ۔
790/1031- (صحيح) عن علي رضي الله عنه قال: استأذن عمّار على النبي صلى الله عليه وسلم – فعرف صوته- فقال: "مرحباً بالطيب المطيب".
ترجمہ:مولانا عثمان منیب
سیدنا علی رضی اللہ عنہ سے روایت ہے، انہوں نے کہا: سیدنا عمار رضی اللہ عنہ نے نبی صلی اللہ علیہ وسلم سے (اندر آنے کی) اجازت طلب کی — آپ نے ان کی آواز پہچان لی — تو آپ صلی اللہ علیہ وسلم نے فرمایا : ”پاکیزہ اور پاکیزہ بنائے گئے (شخص) کو خوش آمدید ۔“
