صحيح الادب المفرد

سیدنا انس رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا : ”نہ کوئی بیماری (خود بخود) متعدی ہوتی ہے اور نہ بدشگونی (کی کوئی حقیقت) ہے، اور مجھے نیک فال پسند ہے، یعنی اچھی بات۔“

حیہ (بن حابس) تمیمی سے روایت ہے کہ ان کے والد نے انہیں بتایا کہ انہوں نے نبی صلی اللہ علیہ وسلم کو فرماتے ہوئے سنا: ”ہامہ (الو) میں کوئی (نحوست کی) بات نہیں، اور سب سے سچی فال نیک فال ہے، اور نظر لگنا حق ہے۔“