صحيح الادب المفرد

قیس (بن ابی حازم) سے روایت ہے، انہوں نے کہا: میں نے سیدنا معاویہ رضی اللہ عنہ کو اپنے ایک چھوٹے بھائی سے کہتے سنا: لڑکے کو اپنے پیچھے سوار کر لو، تو اس نے انکار کر دیا۔ اس پر سیدنا معاویہ رضی اللہ عنہ نے اس سے کہا: تمہیں بہت برا ادب سکھایا گیا ہے۔ قیس نے کہا: پھر میں نے سیدنا ابوسفیان رضی اللہ عنہ کو کہتے سنا: اپنے بھائی کو چھوڑ دو (اسے کچھ نہ کہو)۔

سیدنا عمرو بن عاص رضی اللہ عنہ سے روایت ہے، انہوں نے فرمایا: ”جب دوست زیادہ ہو جاتے ہیں تو حق دار (مطالبہ کرنے والے) بھی زیادہ ہو جاتے ہیں۔“ (راوی کہتے ہیں:) میں نے موسیٰ سے پوچھا: غُرَماء سے کیا مراد ہے؟ انہوں نے کہا: حقوق۔