صحيح الادب المفرد

سیدنا جابر رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”اگر میں زندہ رہا تو ان شاء اللہ اپنی امت کو اس سے منع کر دوں گا کہ کوئی (اپنے بچے کا) نام برکت، نافع اور افلح رکھے - (راوی کہتے ہیں:) مجھے معلوم نہیں کہ آپ نے رافع بھی فرمایا یا نہیں - (کیونکہ) پوچھا جائے گا: کیا یہاں برکت ہے؟ تو جواب دیا جائے گا: یہاں نہیں ہے۔“ پھر نبی صلی اللہ علیہ وسلم کی وفات ہو گئی اور آپ نے اس سے منع نہیں فرمایا۔

اور انہی (سیدنا جابر رضی اللہ عنہ) سے ایک دوسری سند سے روایت ہے: نبی صلی اللہ علیہ وسلم نے ارادہ فرمایا کہ یعلیٰ، برکت، نافع، یسار، افلح اور اس طرح کے نام رکھنے سے منع فرما دیں، پھر اس کے بعد آپ ان کے بارے میں خاموش رہے اور کچھ نہیں فرمایا۔