المستدرك على الصحيحين

مصعب بن عبداللہ زبیری سے روایت ہے کہ فضالہ بن وہب بن عروہ بن بجیر بن مالک بن قیس بن عامر بن لیث، جن کی والدہ کیسان بن عامر عتواری کی بیٹی تھیں، ان کی کنیت ابو عبداللہ تھی اور وہ بصرہ منتقل ہو گئے تھے۔

سیدنا عبداللہ بن فضالہ لیثی اپنے والد سے روایت کرتے ہیں، انہوں نے کہا کہ رسول اللہ ﷺ نے مجھے (دین کی باتیں) سکھائیں، ان میں سے ایک یہ تھی کہ آپ ﷺ نے فرمایا: ”پانچوں نمازوں کی پابندی کرو۔“ میں نے عرض کیا: ان اوقات میں مجھے بہت سے کام ہوتے ہیں، لہٰذا آپ ﷺ مجھے کوئی ایسی جامع بات بتا دیں کہ اگر میں اسے کر لوں تو وہ میری طرف سے کافی ہو جائے، تو آپ ﷺ نے فرمایا: ”تم «العصرين» ”دو عصروں“ کی حفاظت کرو۔“ میں نے پوچھا: یہ عصرین کیا ہیں؟ آپ ﷺ نے فرمایا: ”طلوعِ آفتاب سے پہلے کی نماز (فجر) اور غروبِ آفتاب سے پہلے کی نماز (عصر)۔“