المستدرك على الصحيحين

خلیفہ بن خیاط سے مروی ہے کہ سیدنا ابوجحیفہ وہب سوائی رضی اللہ عنہ کی وفات بشر بن مروان کے دورِ حکومت میں ہوئی۔

عون بن ابی جحیفہ اپنے والد (سیدنا ابوجحیفہ رضی اللہ عنہ) سے روایت کرتے ہیں، انہوں نے کہا کہ میں اپنے چچا کے ساتھ نبی کریم ﷺ کی بارگاہ میں موجود تھا تو آپ ﷺ نے ارشاد فرمایا: ”میری امت کا معاملہ ہمیشہ درست اور مستحکم رہے گا یہاں تک کہ بارہ خلیفہ گزر جائیں“، پھر آپ ﷺ نے اپنی آواز دھیمی کر کے کوئی کلمہ ارشاد فرمایا، میں نے اپنے چچا سے، جو میرے سامنے بیٹھے تھے، پوچھا کہ اے چچا! آپ ﷺ نے کیا فرمایا؟ انہوں نے کہا: اے میرے بیٹے! آپ ﷺ نے فرمایا: ”وہ سب کے سب قریش سے ہوں گے۔“