المستدرك على الصحيحين

ابن اسحاق سے مروی ہے کہ نعمان بن قوقل (اور قوقل ان کا نام مالک تھا) بن ثعلبہ بن دعد بن فہر بن ثعلبہ بن غنم بن سالم بن عوف بن عمرو بن عوف بن خزرج تھے، اور قواقل عبادہ بن صامت رضی اللہ عنہ کا قبیلہ ہے۔

عروہ سے انصار کے ان صحابہ کے ناموں کے تذکرہ میں جو غزوہ بدر میں شریک تھے، روایت ہے کہ ان میں نعمان بن مالک بن ثعلبہ بن اصرم بھی تھے اور انہی کو قوقل کہا جاتا ہے، اور سیدنا جابر بن عبداللہ رضی اللہ عنہما نے سیدنا نعمان بن قوقل سے روایت کی ہے۔

سیدنا جابر بن عبداللہ رضی اللہ عنہما سیدنا نعمان بن قوقل رضی اللہ عنہ سے روایت کرتے ہیں کہ وہ رسول اللہ ﷺ کی خدمت میں حاضر ہوئے اور عرض کی: ”اے اللہ کے رسول! آپ کا کیا خیال ہے کہ اگر میں فرض نمازیں ادا کروں، رمضان کے روزے رکھوں، حلال کو حلال جانوں اور اس پر کچھ زیادہ نہ کروں، تو کیا میں جنت میں داخل ہو جاؤں گا؟“ آپ ﷺ نے فرمایا: ”ہاں۔“ انہوں نے کہا: ”اللہ کی قسم! میں اس پر ذرہ برابر بھی اضافہ نہیں کروں گا۔“