المستدرك على الصحيحين

عامر بن سعد اپنے والد سے روایت کرتے ہیں کہ انہوں نے فرمایا: ”میں نے خود کو اس حال میں دیکھا کہ میں اسلام لانے والوں میں تیسرا (یعنی کل مسلمانوں کا ایک تہائی) تھا۔“

سیدنا سعد بن ابی وقاص رضی اللہ عنہ سے روایت ہے، انہوں نے فرمایا: ”جس دن میں اسلام لایا اس دن میرے علاوہ کوئی اور اسلام نہیں لایا تھا، اور میں سات راتوں تک اس حال میں رہا کہ میں اسلام کا تہائی (حصہ) تھا۔“
اس حدیث کی سند صحیح ہے لیکن شیخین نے اسے روایت نہیں کیا۔

عائشہ بنت سعد اپنے والد سے روایت کرتی ہیں کہ نبی کریم ﷺ تین راتوں تک مسجد میں اس حال میں بیٹھے رہے کہ آپ ﷺ فرما رہے تھے: «اللَّهُمَّ أَدْخِلْ مِنْ هَذَا الْبَابِ عَبْدًا يُحِبُّكَ وَتُحِبُّهُ» ”اے اللہ! اس دروازے سے ایسے بندے کو داخل فرما جو تجھ سے محبت کرتا ہو اور تو اس سے محبت کرتا ہو،“ پس وہاں سے سیدنا سعد رضی اللہ عنہ داخل ہوئے۔
اس حدیث کی سند صحیح ہے لیکن شیخین نے اسے روایت نہیں کیا۔