المستدرك على الصحيحين

عطاء بن ابی رباح سے روایت ہے کہ سیدنا ابو سلمہ اور سیدہ ام سلمہ رضی اللہ عنہما نے ہجرت کی تو ان کے ساتھ سیدنا عمار بن یاسر رضی اللہ عنہ بھی نکلے، اور وہ ان کے حلیف تھے۔

یعقوب بن ابراہیم اپنے والد سے روایت کرتے ہیں: ہمیں یہ خبر پہنچی ہے کہ سیدنا عمار بن یاسر رضی اللہ عنہ نے فرمایا: ”میں رسول اللہ ﷺ کا ہم عمر تھا، آپ ﷺ کی عمر مبارک کے مجھ سے زیادہ قریب کوئی اور نہیں تھا (یعنی ہم دونوں کی پیدائش ایک ہی زمانے کی ہے)۔“