المستدرك على الصحيحين

مروان سے روایت ہے کہ سیدنا عثمان رضی اللہ عنہ کو نکسیر پھوٹنے والے سال (سنة الرعاف) ایسی شدید نکسیر پھوٹی کہ انہوں نے وصیت تک کر دی اور حج پر جانے سے رہ گئے، پھر ہمارے پاس قریش کا ایک آدمی آیا اور اس نے کہا: آپ کسی کو اپنا جانشین مقرر کر دیں، انہوں نے پوچھا: کیا لوگوں نے یہ بات کہی ہے؟ اس نے کہا: جی ہاں، انہوں نے پوچھا: وہ کون ہے؟ تو وہ خاموش رہا، پھر ان کے پاس ایک دوسرا شخص آیا اور اس نے بھی پہلے شخص جیسی ہی بات کی، تو سیدنا عثمان رضی اللہ عنہ نے فرمایا: ”کیا زبیر (رضی اللہ عنہ) کو خلیفہ بناؤں؟“ اس نے کہا: جی ہاں، تو سیدنا عثمان رضی اللہ عنہ نے فرمایا: ”سن لو! اس ذات کی قسم جس کے قبضہ قدرت میں میری جان ہے، جہاں تک میں جانتا ہوں وہ ان سب میں سب سے بہتر اور رسول اللہ ﷺ کے نزدیک ان سب میں سب سے زیادہ محبوب ہیں۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔

سیدنا عروہ رضی اللہ عنہ سے روایت ہے کہ سیدہ عائشہ رضی اللہ عنہا نے مجھ سے فرمایا: ”اے میرے بیٹے! بے شک تمہارے والد ان لوگوں میں سے ہیں جنہوں نے ﴿الَّذِينَ اسْتَجَابُوا لِلَّهِ وَالرَّسُولِ مِنْ بَعْدِ مَا أَصَابَهُمُ الْقَرْحُ﴾ ”جنہوں نے زخم پہنچنے کے بعد بھی اللہ اور رسول کے حکم کو مانا۔“ [سورة آل عمران: 172]“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔