المستدرك على الصحيحين

ابن اسحاق بنو زریق بن عامر سے تعلق رکھنے والے غزوہ بدر کے شرکاء کے ناموں کے ذیل میں بیان کرتے ہیں: سیدنا رافع بن مالک بن عجلان زرقی رضی اللہ عنہ۔

سیدنا رافع بن مالک رضی اللہ عنہ بیان کرتے ہیں کہ میں نے رسول اللہ ﷺ کے پیچھے نماز پڑھی تو مجھے چھینک آئی، میں نے کہا: «الْحَمْدُ لِلَّهِ حَمْدًا كَثِيرًا طَيِّبًا مُبَارَكًا فِيهِ مُبَارَكًا عَلَيْهِ، كَمَا يُحِبُّ رَبُّنَا وَيَرْضَى» ”تمام تعریفیں اللہ ہی کے لیے ہیں، ایسی تعریف جو بہت زیادہ، پاکیزہ اور بابرکت ہو، جس میں برکت دی گئی ہو، جیسا کہ ہمارا رب پسند کرتا ہے اور جس سے وہ راضی ہوتا ہے۔“ جب رسول اللہ ﷺ نماز سے فارغ ہوئے تو مڑ کر دریافت فرمایا: ”نماز میں (یہ کلمات) کہنے والا کون تھا؟“ تو رفاعہ بن رافع رضی اللہ عنہ نے عرض کیا: اے اللہ کے رسول! میں تھا، آپ ﷺ نے پوچھا: ”تم نے کیا کہا تھا؟“ انہوں نے عرض کیا کہ میں نے (مذکورہ بالا الفاظ) کہے تھے، تب نبی کریم ﷺ نے فرمایا: ”اس ذات کی قسم جس کے ہاتھ میں میری جان ہے! تیس سے کچھ زائد فرشتے اس کلمہ کی طرف لپکے کہ ان میں سے کون اسے لے کر اوپر چڑھے۔“

محمد بن صالح بن ہانی نے اسی مفہوم کی روایت ایک اور سند سے بیان کی ہے جس میں سابقہ حدیث کے مثل ہی الفاظ مروی ہیں۔
سیدنا رفاعہ بن رافع زرقی رضی اللہ عنہ کے مناقب کا ذکر: