المستدرك على الصحيحين

سیدنا عروہ بن زبیر رضی اللہ عنہ سے روایت ہے کہ سیدنا معن بن عدی رضی اللہ عنہ مسیلمہ کذاب کے خلاف جنگِ یمامہ کے موقع پر شہید ہوئے۔
سیدنا عباد بن بشر بن وقش اشہلی رضی اللہ عنہ کے مناقب کا ذکر:

ابراہیم بن منذر بیان کرتے ہیں کہ سیدنا عباد بن بشر بن وقش رضی اللہ عنہ بنو عبد الاشہل کے فرد تھے، ان کی کنیت ابوبشر تھی اور یہ بھی کہا گیا ہے کہ ان کی کنیت ابوالرَّبیع تھی۔

محمد بن عمر بیان کرتے ہیں کہ سیدنا عباد بن بشر بن وقش رضی اللہ عنہ کی کنیت ابوبشر تھی، جبکہ عبداللہ بن محمد بن عمارہ کے بقول ان کی کنیت ابوالرَّبیع تھی، انہوں نے مدینہ منورہ میں سیدنا مصعب بن عمیر رضی اللہ عنہ کے ہاتھ پر اسلام قبول کیا اور یہ سیدنا سعد بن معاذ رضی اللہ عنہ کے اسلام لانے سے پہلے کی بات ہے، سیدنا عباد بن بشر رضی اللہ عنہ غزوہ بدر میں شریک ہوئے اور کعب بن اشرف کو قتل کرنے والوں میں شامل تھے، انہوں نے احد، خندق اور رسول اللہ ﷺ کے ساتھ تمام غزوات میں شرکت کی، نیز وہ جنگِ یمامہ میں بھی شریک تھے جہاں انہوں نے قتال میں عظیم جرات اور بہادری کا مظاہرہ کیا یہاں تک کہ اسی دن شہید ہو گئے، ان کی شہادت سن 12 ہجری میں ہوئی اور اس وقت ان کی عمر پینتالیس برس تھی۔