المستدرك على الصحيحين

سیدنا عبداللہ بن جعفر رضی اللہ عنہما سے روایت ہے، انہوں نے کہا: سیدنا ابوبکر رضی اللہ عنہ ہمارے ولی (حکمران) بنے تو وہ اللہ کے بہترین خلیفہ، ہم پر سب سے زیادہ رحم کرنے والے اور ہم پر سب سے زیادہ شفقت فرمانے والے ثابت ہوئے۔
یہ حدیث صحیح الاسناد ہے لیکن شیخین نے اسے روایت نہیں کیا۔

سیدنا انس رضی اللہ عنہ سے روایت ہے، انہوں نے کہا: ہم اس بالا خانے کے گرد چکر لگا رہے تھے جس میں سیدنا ابوبکر رضی اللہ عنہ اس بیماری کے دوران مقیم تھے جس میں ان کی وفات ہوئی، انہوں نے ہماری طرف جھانک کر دیکھا اور پوچھا: ”کیا تم اس فیصلے سے راضی ہو جو میں نے کیا ہے؟“ ہم نے عرض کیا: ”جی ہاں، اے اللہ کے رسول کے خلیفہ!“
یہ حدیث امام مسلم کی شرط پر صحیح ہے لیکن شیخین نے اسے روایت نہیں کیا۔