المستدرك على الصحيحين

سیدنا عبداللہ بن عباس رضی اللہ عنہما سے روایت ہے کہ اللہ تعالیٰ نے سب سے پہلے جس چیز کو پیدا فرمایا وہ قلم ہے، پھر اسے حکم دیا: ”لکھ،“ قلم نے پوچھا: میں کیا لکھوں؟ اللہ نے فرمایا: ”تقدیر لکھ،“ چنانچہ اس دن سے لے کر قیامت قائم ہونے تک جو کچھ ہونے والا ہے وہ (قلم سے) جاری ہو گیا۔ انہوں نے فرمایا: اور اللہ کا عرش پانی پر تھا، پھر پانی سے بخارات بلند ہوئے جس سے آسمان الگ کیے گئے، پھر مچھلی (نُون) پیدا کی گئی جس پر زمین بچھائی گئی، اور زمین مچھلی کی پشت پر ہے، پھر جب مچھلی نے حرکت کی تو زمین ڈولنے لگی، تب اسے پہاڑوں کے ذریعے جما دیا گیا، یہی وجہ ہے کہ پہاڑ زمین پر فخر کرتے ہیں۔
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔

سیدنا عبداللہ بن عباس رضی اللہ عنہما نے اللہ کے فرمان ﴿ن وَالْقَلَمِ وَمَا يَسْطُرُونَ﴾ کے متعلق فرمایا: اس سے مراد وہ ہے ”جو وہ لکھتے ہیں۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔