المستدرك على الصحيحين

أخبرنا أبو العباس قاسم بن القاسم السَّيّاري، حدثنا أبو المُوجِّه، أخبرنا عَبْدان، أخبرنا عبد الله، أخبرني حَيْوة بن شُريح، أخبرني أبو هانئ حُميد بن هانئ الخَوْلاني، أنَّ عمرو بن مالك الجَنْبي أخبره، أنه سمع فَضَالة بن عُبيد يحدِّث عن رسول الله ﷺ، قال: "مَن ماتَ على مَرْتَبةٍ من هذه المَراتِب، بُعِث عليها يومَ القيامة: رِباطٌ، أو حجٌّ، أو غيرُ ذلك" (2).

سیدنا فضالہ بن عبید رضی اللہ عنہ سے روایت ہے کہ رسول اللہ ﷺ نے فرمایا: ”جو شخص جس (نیک عمل کی) حالت پر فوت ہو، قیامت کے دن اسی حالت پر اٹھایا جائے گا، خواہ وہ سرحد کی پہرہ داری ہو، حج ہو یا کوئی اور عمل۔“ نیز فضالہ رضی اللہ عنہ نے رسول اللہ ﷺ کا یہ فرمان بھی نقل کیا: ”ہر مرنے والے کے عمل پر (موت کے ساتھ ہی) مہر لگا دی جاتی ہے سوائے اس شخص کے جو اللہ کی راہ میں پہرہ داری کی حالت میں فوت ہو، اس کا نیک عمل قیامت تک بڑھتا رہتا ہے اور اسے قبر کی آزمائش سے محفوظ کر دیا جاتا ہے۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔