مسند أبي يعلى الموصلي

سیدنا رکانہ رضی اللہ عنہ سے روایت ہے کہ انہوں نے اپنی بیوی کو لفظ ”البتہ“ (یعنی قطعی طور پر) کے ساتھ طلاق دے دی، پھر وہ نبی کریم ﷺ کی خدمتِ اقدس میں حاضر ہوئے تو آپ ﷺ نے ان سے دریافت فرمایا: ”اس لفظ سے تمہاری کیا نیت تھی؟“ انہوں نے عرض کیا: ”صرف ایک طلاق کی“، آپ ﷺ نے دریافت فرمایا: «آللَّهِ» ”کیا اللہ کی قسم (تمہاری نیت صرف ایک ہی تھی)؟“ انہوں نے عرض کیا: ”اللہ کی قسم (ایسا ہی ہے)“، تو آپ ﷺ نے ارشاد فرمایا: ”پھر یہ اسی نیت کے مطابق ہے جو تم نے کی تھی“۔

سیدنا رکانہ رضی اللہ عنہ سے روایت ہے کہ انہوں نے نبی کریم ﷺ کے عہدِ مبارک میں اپنی بیوی کو طلاقِ بتہ (یعنی قطعی طلاق) دے دی، پھر وہ نبی کریم ﷺ کی خدمت میں حاضر ہوئے اور آپ ﷺ کو اس کی خبر دی، تو آپ ﷺ نے دریافت فرمایا: ”تمہاری اس سے کیا نیت تھی؟“ انہوں نے عرض کیا: ”صرف ایک طلاق کی“، آپ ﷺ نے دریافت فرمایا: ”کیا اللہ کی قسم (تمہاری نیت ایک ہی کی تھی)؟“ انہوں نے عرض کیا: ”اللہ کی قسم (یہی نیت تھی)!“ تو آپ ﷺ نے ارشاد فرمایا: ”پھر یہ طلاق اسی نیت کے مطابق واقع ہوئی ہے جو تم نے کی تھی۔“