مسند أبي يعلى الموصلي

حَدَّثَنَا الْقَوَارِيرِيُّ ، حَدَّثَنَا يَزِيدُ بْنُ زُرَيْعٍ ، حَدَّثَنَا مُحَمَّدُ بْنُ إِسْحَاقَ ، حَدَّثَنِي الزُّهْرِيُّ ، عَنْ طَلْحَةَ بْنِ عَبْدِ اللهِ بْنِ عَوْفٍ قَالَ : أَتَتْنَا أَرْوَى ابْنَةُ أَوْسٍ فِي نَفَرٍ مِنْ قُرَيْشٍ ، فِيهِمْ عَبْدُ الرَّحْمَنِ بْنُ سَهْلٍ ، فَقَالَتْ : إِنِّي أُحِبُّ أَنْ تَأْتُوا سَعِيدَ بْنَ زَيْدٍ فَتُكَلِّمُوهُ وَتُذَكِّرُوهُ ، فَإِنَّهُ انْتَقَصَ مِنْ أَرْضِي إِلَى أَرْضِهِ . فَقُمْنَا إِلَى سَعِيدٍ حَتَّى جِئْنَاهُ فِي أَرْضِهِ بِالْعَقِيقِ ، فَخَرَجَ إِلَيْنَا ، فَقَالَ :
قَدْ عَرَفْتُ مَا جَاءَ بِكُمْ . أَتَتْكُمْ أَرْوَى بِنْتُ أَوْسٍ ، فَقَالَتْ : إِنِّي أَنْتَقِصُ مِنْ أَرْضِهَا إِلَى أَرْضِي مَا لَيْسَ لِي ، سَأُحَدِّثُكُمْ مَا سَمِعْتُ رَسُولَ اللهِ - صَلَّى اللهُ عَلَيْهِ وَسَلَّمَ - يَقُولُ : مَنْ أَخَذَ مِنَ الْأَرْضِ مَا لَيْسَ لَهُ طُوِّقَهُ إِلَى السَّابِعَةِ . وَسَمِعْتُهُ يَقُولُ : مَنْ قَاتَلَ دُونَ مَالِهِ فَقُتِلَ فَهُوَ شَهِيدٌ ، قَالَ : فَقُلْنَا : لَا وَاللهِ لَا نُكَلِّمُكَ بَعْدَ هَذَا بِشَيْءٍ أَبَدًا ، قَالَ : وَرَكِبْنَا وَانْطَلَقْنَا .

طلحہ بن عبداللہ بن عوف رحمہ اللہ بیان کرتے ہیں کہ اروی بنت اوس قریش کے چند لوگوں کے پاس آئیں جن میں عبدالرحمن بن سہل بھی تھے، اور کہا: ”میں چاہتی ہوں کہ آپ لوگ سعید بن زید کے پاس جا کر ان سے بات کریں اور انہیں نصیحت کریں، کیونکہ انہوں نے میری زمین کا کچھ حصہ اپنی زمین میں شامل کر لیا ہے۔“ چنانچہ ہم سیدنا سعید رضی اللہ عنہ کے پاس گئے، وہ عقیق میں اپنی زمین پر تھے، وہ ہمارے پاس نکل آئے اور فرمایا: ”میں جانتا ہوں کہ تم کس لیے آئے ہو، اروی بنت اوس تمہارے پاس آئی ہے اور اس نے کہا ہے کہ میں اس کی زمین میں سے وہ حصہ اپنی زمین میں شامل کر رہا ہوں جو میرا نہیں۔ میں تمہیں وہ بات سناتا ہوں جو میں نے رسول اللہ ﷺ سے سنی ہے، آپ ﷺ فرما رہے تھے: ’جس نے زمین میں سے وہ لیا جو اس کا نہیں، اسے ساتویں (زمین) تک کا طوق پہنایا جائے گا۔‘ اور میں نے آپ ﷺ کو یہ بھی فرماتے سنا: ’جو اپنے مال کی حفاظت میں لڑتے ہوئے قتل ہو جائے وہ شہید ہے۔‘“ ہم نے کہا: ”اللہ کی قسم! اس کے بعد ہم آپ سے اس بارے میں کبھی کوئی بات نہیں کریں گے۔“ پھر ہم سوار ہو کر چلے آئے۔