مسند أبي يعلى الموصلي

حَدَّثَنَا زُهَيْرٌ ، حَدَّثَنَا يَزِيدُ ، أَخْبَرَنَا إِبْرَاهِيمُ بْنُ سَعْدٍ ، عَنْ أَبِيهِ ، عَنِ ابْنِ جُبَيْرِ بْنِ مُطْعِمٍ ، عَنْ أَبِيهِ أَنَّ امْرَأَةً أَتَتِ النَّبِيَّ - صَلَّى اللهُ عَلَيْهِ وَسَلَّمَ - تَسْأَلُهُ شَيْئًا ، فَقَالَ لَهَا : ارْجِعِي إِلَيَّ ، فَقَالَتْ لَهُ : يَا رَسُولَ اللهِ ! فَإِنْ رَجَعْتُ فَلَمْ أَرَكَ ، - تُعَرِّضُ بِالْمَوْتِ - فَقَالَ : إِنْ لَمْ تَجِدِينِي ، فَالْقَيْ أَبَا بَكْرٍ .

سیدنا جبیر بن مطعم رضی اللہ عنہ سے روایت ہے کہ ایک خاتون نبی کریم ﷺ کی خدمتِ اقدس میں حاضر ہوئیں اور آپ ﷺ سے کسی چیز کا سوال کیا، تو آپ ﷺ نے ان سے ارشاد فرمایا: ”تم دوبارہ میرے پاس آنا۔“ اس خاتون نے عرض کی: اے اللہ کے رسول! بھلا یہ بتائیے کہ اگر میں دوبارہ حاضر ہوں اور آپ کو موجود نہ پاؤں؟ - وہ اپنی اس بات سے آپ ﷺ کی وفات کی طرف اشارہ کر رہی تھیں - تو آپ ﷺ نے ارشاد فرمایا: ”اگر تم مجھے موجود نہ پاؤ، تو پھر سیدنا ابوبکر رضی اللہ عنہ سے جا کر ملنا۔“