مسند أبي يعلى الموصلي

وَعَنْ أَبِي مُوسَى ، عَنِ النَّبِيِّ - صَلَّى اللهُ عَلَيْهِ وَسَلَّمَ - قَالَ : « مَثَلُ الْمُسْلِمِينَ وَالْيَهُودِ وَالنَّصَارَى ، كَمَثَلِ رَجُلٍ اسْتَأْجَرَ قَوْمًا ، يَعْمَلُونَ لَهُ عَمَلًا يَوْمًا إِلَى اللَّيْلِ عَلَى أَجْرٍ مَعْلُومٍ ، فَعَمِلُوا لَهُ إِلَى نِصْفِ النَّهَارِ ، ثُمَّ قَالُوا : لَا حَاجَةَ لَنَا فِي أَجْرِكَ الَّذِي شَرَطْتَ لَنَا ، وَمَا عَمِلْنَا بَاطِلٌ ، فَقَالَ لَهُمْ : لَا تَفْعَلُوا ، اعْمَلُوا بَقِيَّةَ يَوْمِكُمْ وَخُذُوا أَجْرَكُمْ كَامِلًا ، فَأَبَوْا وَتَرَكُوا ذَلِكَ عَلَيْهِ ، فَاسْتَأْجَرَ قَوْمًا آخَرِينَ بَعْدَهُمْ ، وَقَالَ : اعْمَلُوا بَقِيَّةَ يَوْمِكُمْ وَلَكُمُ الَّذِي شَرَطْتُ لَهُمْ مِنَ الْأَجْرِ ، فَعَمِلُوا حَتَّى إِذَا كَانَ حِينَ صَلَاةِ الْعَصْرِ ، قَالُوا : لَكَ الَّذِي عَمِلْنَا بَاطِلٌ ، وَلَكَ الْأَجْرُ الَّذِي جَعَلْتَ لَنَا ، لَا حَاجَةَ لَنَا فِيهِ قَالَ : اعْمَلُوا بَقِيَّةَ عَمَلِكُمْ ، فَإِنَّ مَا بَقِيَ مِنَ النَّهَارِ شَيْءٌ يَسِيرٌ ، ثُمَّ خُذُوا أَجْرَكُمْ ، فَأَبَوْا عَلَيْهِ ، فَاسْتَأْجَرَ قَوْمًا آخَرِينَ ، فَعَمِلُوا لَهُ بَقِيَّةَ يَوْمِهِمْ حَتَّى غَابَتِ الشَّمْسُ وَاسْتَكْمَلُوا أَجْرَ الْفَرِيقَيْنِ كِلَيْهِمَا ، وَالْأَجْرَ كُلَّهُ ، فَذَلِكَ مَثَلُ الْيَهُودِ وَالنَّصَارَى وَالَّذِينَ تَرَكُوا مَا أَمَرَهُمُ اللهُ بِهِ ، وَمَثَلُ الْمُسْلِمِينَ الَّذِينَ قَبِلُوا هُدَى اللهِ وَمَا جَاءَ بِهِ رَسُولُهُ » .

سیدنا ابوموسیٰ رضی اللہ عنہ سے روایت ہے کہ نبی کریم ﷺ نے ارشاد فرمایا: ”مسلمانوں، یہودیوں اور عیسائیوں کی مثال اس شخص کی سی ہے جس نے کچھ لوگوں کو ایک دن رات تک کے لیے مقررہ اجرت پر کام کے لیے ملازم رکھا، انہوں نے آدھے دن تک کام کیا اور پھر کہنے لگے: ہمیں تمہاری اس مزدوری کی کوئی ضرورت نہیں جو تم نے ہمارے لیے طے کی تھی اور جو عمل ہم نے کیا وہ رائیگاں گیا، اس شخص نے ان سے کہا: ایسا نہ کرو، اپنے دن کا بقیہ کام پورا کر لو اور اپنی پوری مزدوری وصول کر لو، مگر انہوں نے انکار کر دیا اور کام چھوڑ دیا، پھر اس نے ان کے بعد دوسرے لوگوں کو کام پر رکھا اور کہا: تم دن کا بقیہ حصہ کام کرو اور تمہیں وہی مزدوری ملے گی جو میں نے ان پہلے والوں کے لیے طے کی تھی، چنانچہ انہوں نے کام کیا یہاں تک کہ جب عصر کی نماز کا وقت ہوا تو وہ بھی کہنے لگے: ہم نے جو کام کیا وہ رائیگاں ہے اور جو اجرت تم نے ہمارے لیے مقرر کی تھی وہ تمہیں کو مبارک ہو، ہمیں اس کی کوئی حاجت نہیں، اس شخص نے کہا: اپنا بقیہ کام مکمل کر لو کیونکہ اب تو دن کا بہت ہی مختصر حصہ باقی رہ گیا ہے، پھر تم اپنی اجرت لے لینا، مگر انہوں نے بھی انکار کر دیا، تب اس نے کچھ اور لوگوں کو کام پر رکھا جنہوں نے دن کے بقیہ حصے میں سورج غروب ہونے تک کام کیا اور ان دونوں پہلے گروہوں کی مزدوری سمیت مکمل اجر حاصل کر لیا؛ پس یہی مثال ہے یہودیوں اور عیسائیوں کی جنہوں نے اللہ کے احکامات کو ترک کر دیا، اور یہی مثال ہے ان مسلمانوں کی جنہوں نے اللہ کی ہدایت اور اس کے رسول ﷺ کی لائی ہوئی تعلیمات کو قبول کر لیا۔“